arnoldlin0328的部落格

  人人攏向望家己攏毋免做啥著會使得著家己欲愛的，敢按呢？皮克斯公司(Pixar animation studio)佇2008年出第九齣片-----瓦利(Wall-E)，仝款是海洋大集合(Finding Nemo)的導演安得呂斯丹頓(Andrew Stanton)來做這齣的導演。瓦利這齣片差不多佇𨑨迌物大集合第一集(Toy story)做了無偌久，著開始咧計畫啊！所以差不多畫十偌年。

  電影拄開始，地球因為空氣愈來愈䆀，人人攏徙去大賣家公司(Buy N Large)的公理號太空船(Axiom)生活，地球著交予清糞埽的機器人來處理。毋過，過七百年了後，地球頂的機器人攏故障啊！賰一臺機器人瓦利(Wall-E)猶活咧，伊逐工攏咧摒掃。有一工，伊摒掃的時，揣著一隻虼蠽，著及伊做朋友。到佇瓦利的厝，瓦利著將伊清糞埽的時抾著的物件提出來耍。隔轉工早起，瓦利起床啊！但伊因為無電所以行路歪來歪去，因為伊是靠日頭的光來充電。充電了後，瓦利著閣繼續做伊的工課。伊清糞埽的時抾著尪仔、電火球仔等等遮的予伊好奇的物件攏共收入去伊的篋仔內。後來伊佇某一個所在揣著一個莖及葉仔的物件，伊嘛共收入去篋仔內。轉來到厝囥物件的時，瓦利看著塗跤有一點紅光，伊著去共逐，逐到空地，突然間有足濟紅點光，然後太空梭落來啊！瓦利強欲驚死。原來是探測器夏娃(Eve)去予派來調查地球這馬的款。這種機器人會用電腦掃伊所看著的物件，伊嘛會曉飛，閣會當發射雷射。瓦利看甲足佮意，著想欲揣機會及伊交朋友。瓦利不斷試探夏娃，攏無效。夏娃繼續掃地球的物件，毋過伊所掃過的物件，伊的胸坎仔攏是爍紅燈。瓦利繼續試探夏娃，這擺著成功啊！兩個機器人著成做好朋友。瓦利𤆬夏娃轉去厝，著將伊所抾著的物件分享予夏娃。後來瓦利提有莖及葉仔的植物予夏娃看，夏娃共掃一下，突然間伊的胸坎仔爍青燈，著將植物收入去伊的腹內，然後進入待命模式。瓦利毋知欲按怎共叫予醒，著共囥佇厝尾頂然後陪伊。落雨啊！瓦利著共伊鬥遮予，隔轉工，瓦利嘛𤆬夏娃出去散步。毋過瓦利按怎做，攏無法度共夏娃叫予醒，所以著繼續清糞埽。清到一半，太空梭欲來接夏娃轉去啊！瓦利著趕緊轉去咧彼臺去，叫伊的虼蠽朋友踮佇地球等。然後瓦利著咧太空梭離開地球。路中，瓦利才知影宇宙是非常闊，拄仔好經過日頭，瓦利著順紲共家己充電。到公理號的一個所在，彼所在的機器著將所有的探測器提來檢查。清潔隊機器人負責檢查身軀頂敢有垃圾，若有，隊長阿毛(M-o)會𤆬頭清理；調查隊機器人古夫(Go-4)負責檢查探測器身軀頂有紮啥外來的物件來。瓦利著偷偷佔位，阿毛檢查著伊的時，心內著敢覺傷譀啊！瓦利身軀頂有百分之百的外來污染來源，阿毛著共清，但瓦利𣍐慣勢所以著一直蟯蟯趖。然後古夫來檢查探測器，測著夏娃紮植物轉來，所以著趕緊叫其他的機器人來共送去船長室。瓦利著家己綴亻因行，阿毛看著塗跤有瓦利的跤跡，著綴這跤跡清塗跤。瓦利逐夏娃亻因的路中，看著足濟機器人而且閣有人類。船頂的人攏生甲足大箍，因為亻因幾若年來不管是行路、耍、洗身軀、煮食等等，攏是靠機器人。瓦利佇路中，有一個查埔人對伊講：「服務機器人，請共杯仔提去。」因為瓦利毋知發生啥物代誌，著害彼人對機器椅仔頂跋落來，所以瓦利著共扞起來囥佇機器椅仔頂然後兩個著熟似啊！瓦利介紹伊家己予彼查埔人，彼人回答：「我叫約翰(John)。」然後瓦利看著夏娃亻因坐電車欲離開啊！伊著趕緊去坐彼臺電車。佇電車頂，瓦利欲去陪夏娃，但是中央有一個坐佇機器椅仔頂的查某人擋著伊的路，所以著去共拜託借伊過順紲介紹家己，彼查某人講：「我叫瑪莉(Mary)。你欲過？好，𣍐要緊，請。」到終點站，瓦利著咧夏娃去船長室。到佇遐，熯圖魯奧多(Auto)著去叫船長起床。船長起來，著叫兩臺機器人來共鬥洗喙、掠龍及捋頭毛，然後去見奧多。來到奧多遐，船長共奧多講：「你哪會無叫我起來廣播？這是我佇船頂唯一通做的代誌。」廣播了後，伊看著船長室的一粒揤的咧爍青燈。奧多共講：「船長，一號探測器紮貨樣轉來啊！」船長聽了著揤青色彼粒，然後有電視螢幕降落來，內底的總裁講：「恭喜啦！你的一號探測器夏娃紮一項咧行光合作用的植物。恁遐有一本手冊，照彼本的指示做，共植物囥入去游泳池附近的全向偵測器內，太空船會馬上𤆬恁轉去地球。因為恁佇太空有幾若年的時間，恁有小可仔骨質流失，但𣍐要緊，只要佇船頂的運動埕走走，著無問題啊！期待恁早日轉來。」講了，船長著去提彼本手冊，然後對手冊講：「手冊，請傳信息。」手冊無反應，熯圖魯奧多著共彼本掀開，船長才知影是一搬的冊。船長著照彼本冊的撇步唸一個詞，然後有機器降落來，電腦著對船長講：「對聲音。」船長毋知欲創啥，著講：「啊～～～」電腦著講：「符合。」然後彼臺機器著去共探測器夏娃身軀頭前的蓋拍開，船長講：「植物佇叨？看來是咱𣍐記得一項撇步。」夏娃心內緊張甲咧揣伊抾著的植物。後來船長著拜託奧多共掃看敢真正有，奧多掃了，講：「內底無貨樣。探測器的電腦出問題。」船長著取消轉去地球的計劃，然後拜託人共夏娃𤆬去修理。佇彼霎，船長看著瓦利，瓦利著來及伊握手，船長著講：「敢會使共瓦利洗予清氣？」瓦利及夏娃兩臺機器人著予人載去修理室。修理室內底，有足濟修理𣍐好的機器人攏去予關起來。夏娃予機器人𤆬入去修理，瓦利去予關起來。夏娃佇內底去予修理的時，伊的手去予剝落來，瓦利看著驚甲欲死，所以著趕緊入去共伊的手對修理的機器人搶來，無張持去揤著開銃鍵，著將修理室的總開關拍歹去。修理的機器人攏禁掉啊！關機器人的門攏開啊！所有關佇修理室的機器人攏走出去然後去予機器警察圍起來，亻因著共瓦利擲佇尚頭前。夏娃飛來，共伊的手對瓦利搶轉來，佇彼霎，機器警察翕相，規臺船的電腦螢幕走出瓦利及夏娃的相片然後廣播：「注意，逃犯的機器人。」夏娃足氣瓦利，著決定去共瓦利送轉去地球。送的時陣，古夫拄仔好來啊！瓦利及夏娃覕起來，看著古夫共植物囥佇送去地球的船頂，瓦利著去抾，古夫佇彼霎，著將送轉去地球的小船啟動，瓦利著和彼臺小船離開公理號，夏娃著趕緊飛出去共救。後來，彼臺小船爆炸，夏娃叫是瓦利去予炸掉啊！伊著飛過去看，想𣍐到瓦利猶活咧。瓦利著將植物交予夏娃，夏娃足歡喜然後及瓦利去散步。轉來到公理號船頂，夏娃叫瓦利踮佇一個所在等，然後伊去揣船長。來到船長室，夏娃著將植物交予船長，船長著歡喜講：「咱會使轉去地球啊！請問地球是啥物款？𣍐要緊，我家己看。」船長著將天線貼佇夏娃的頭頂，天線著將夏娃佇地球頂錄影出來的畫面放出來。船長看著，講：「奇怪，這無啥成地球，無藍色的天，嘛無青翠的草埔。」但影片放到瓦利房間彼段，閣講：「我知影這首歌。遮的人咧跳舞。」後來影片放到夏娃佇地球的時進入睏眠模式所錄著的，夏娃看著原來瓦利遮爾仔疼伊，落雨共伊鬥遮雨，寒的時閣共伊疊衫。瓦利佇樓跤等傷久，著去⻊百糞埽道去揣夏娃。船長決定欲行轉去地球的計畫，著請奧多來共鬥相共，但奧多煞講：「無需要按呢，共植物交予我。」船長講：「老實講，這件代誌我會當家己來處理。」但奧多一直阻止伊，所以船長著命令奧多愛共解釋，奧多著去放影片予看，影片內底的總裁講：「所有的人，真歹勢，我有一項歹消息。淨化地球失敗，想𣍐到地球愈來愈濟毒，生物無通活。請逐家盡量留佇船頂卡安全，咱必須愛取消轉去地球的計畫，請毋通試看解決這種問題。」船長看了，著講：「電腦，請問這是啥物時陣傳來到公理號？」電腦回答：「這消息佇2110年傳到遮。」船長對奧多講：「這差不多七百年前的代誌啊！這馬情形已經改變，咱必須愛轉去地球，這馬我手頂提的植物當咧大漢，若有遮的著會使證明伊講的是毋對的。我蹛佇這臺漚船頂，啥物代誌攏無通做，這臺船頂的人攏仝款，荏懶。」奧多講：「恁佇公理號通活。」船長講：「我無想欲干焦活著好，我欲活甲有意義。」奧多著叫古夫共植物提去擲落去糞埽場內。好佳哉瓦利⻊百起來，毋過奧多著共電予昏去然後擲落去糞埽場，嘛順紲共夏娃擲落去，然後共船長鎖佇船長室。佇糞埽場，夏娃醒來，看著瓦利參一堆糞埽準備欲去予擲出去，夏娃著去共救起來，拄仔好阿毛嘛來順紲救亻因，亻因差一點仔去予擲出去太空船。救轉來了後，因為瓦利頭拄仔去予奧多電，所以晶片害去啊！夏娃著去揣看糞埽場內底敢有其他的晶片。彼時，阿毛共瓦利清予清氣順紲自我介紹。夏娃轉來，將伊所揣著的晶片紮來，毋過無一項合瓦利的電腦規格。不管啦！夏娃𤆬瓦利及阿毛飛倒轉去船頂去解決植物的代誌。到船頂，因為瓦利及夏娃猶咧去予通緝，機器警察看著亻因著閣共翕相然後閣廣播：「注意，逃犯的機器人。」熯圖魯奧多著派足濟機器警察來共掠。船長看著新的相片，著馬上接電線廣播：「瓦利及夏娃，我去予鎖佇船長室內，請恁趕緊共植物囥佇全向偵測器內，請趕緊做，奧多會共信號切斷……」然後船長假做手頂提植物放畫面予奧多看，共講：「哈哈哈，戇人，我提著啥物？無毋對，著是植物。若欲提著趕緊來提。」然後船長著覕起來，奧多來揣伊，船長著跳離開椅仔，跳去伊的身軀頂共掠予絚，奧多一直想辦法欲共船長摔掉，拄仔好古夫來啊！但因為摔來摔去著共古夫踢出窗仔外摔歹去。鏡頭倒轉來到瓦利及夏娃遐，彼陣對修理室走出來的機器人共所有的機器警察拍予害去，然後趕緊去游泳池遐。船長趕緊揤彼粒全向偵測器的鍵。所有坐機器椅仔的人攏去游泳池遐集合，瓦利亻因嘛做伙去遐。船長趕緊廣播，講：「各位朋友，咱的熯圖魯有小可仔出問題，請逐家保持冷靜。」逐家攏看著熯圖魯一直咧摔船長。後來，熯圖魯奧多著踅幾若輪，規臺船著歪斜，所有的人及機器人攏向歪斜的方向滑落去，奧多著將全向偵測器禁掉，但瓦利佇遐咧阻止機器禁掉，著去予機器硩落去。船長看𣍐落去啊！著決定徛起來去阻止奧多。因為船頂的人類有幾若年攏無用跤行路，所以船長徛𣍐穩。到尾仔，船長行到奧多遐共掠牢，然後揤伊頂懸紅色彼粒，共講：「奧多，你辭頭路啊！」然後熯圖魯奧多的自動模式著去予禁掉啊！然後夏娃著趕緊去救瓦利，那救那喝：「植物！植物！」逐家著趕緊共植物提予夏娃，夏娃接閣共囥佇全向偵測器內，瓦利著脫離危險，毋過瓦利規個昏去啊！植物囥入去全向偵測器內了後，規臺公理號太空船著用足緊的速度衝去地球。轉來到地球，踮佇遐等足久的虼蠽著足歡喜主人瓦利轉來啊！毋過瓦利規個昏去，所以夏娃著趕緊共𤆬轉去伊蹛的所在共修理，所有的人及機器人攏咧替伊煩惱。修理了後，瓦利醒起來啊！夏娃及虼蠽足歡喜，毋過因為換晶片的關係瓦利失去記性啊！夏娃著決定牽伊的手閣共唚一下然後離開。離開彼霎，夏娃的手挽𣍐出來，瓦利突然間恢復記性啊！夏娃及虼蠽閣有所有的人攏歡喜去做家己的代誌。船長講：「有土閣有水會當種出足濟種物件。哇哈哈！真歡喜通倒轉來地球。」

  請問逐家敢看過臺灣佇2013年出的電影-----總舖師(Zone Pro Site)？皮克斯公司(Pixar animation studio)佇2007年嘛出過有關灶跤故事的片-----阿鼠師(Ratatouille)，導演及超人特攻隊(The incredibles)仝款是富萊德寶德(Brad Bird)。咦！奇怪，總舖鼠師？毋是攏講灶跤若有鳥鼠仔，物件著會垃圾？其實無一定，鳥鼠仔嘛有可能會曉做菜喔！

  電影拄開始，有一對鳥鼠仔兄弟，小弟叫黎米(Rémy)；阿兄叫廈米里(Emilé)。亻因老父是鳥鼠仔國的統治者，亻因蹛佇一個老人蹛的庄跤厝天篷頂。普通時鳥鼠仔攏是食糞埽，但黎米實在看𣍐落去，著去及老父講：「咱是賊仔呢！你敢知？咱偷提別人的物件食。」老父著共講：「咱提的是無人欲愛的物件，無人欲愛的物件無算偷提。」然後黎米著阻止老父所食的物件，是按怎呢？因為彼物件沐過鳥鼠仔藥。因為黎米是好鼻獅，伊老父著派伊來做食物檢驗人員。有一工，黎米趁彼老人咧睏的時，去提灶跤的配料。拄仔好電視咧報有關食神餐廳(Gusteau's Restaurant)的故事，無偌久，彼老人醒啊！好佳哉黎米無去予伊看著。然後黎米及伊阿兄廈米里兩隻鳥鼠仔著繼續佇外口咧做好料，毋過亻因𣍐曉做，所以亻因著入去提食神(Auguste Gusteau)所寫的一本食譜來學煮食。入去的時，電視猶咧報食神餐廳的故事，黎米著順紲去看一下。食神共逐家講：「任何人攏會當做菜，但是心愛歡喜菜才會好食。」然後電視主持人講：「後來美食評論家依古(Anton Ego)無同意這種觀念，所以共食神餐廳對五星級變做四星級，食神因為心內受著打擊著過身啊！伊的餐廳閣變做三星級。」黎米看了嘛替伊艱苦。突然間，老人醒啊！看著黎米及廈米里佇伊厝內，著趕緊提鳥銃攻擊亻因。兩隻鳥鼠仔一直走閃，閃到尾仔予彼老人的銃射著天篷，因為彼頂面是鳥鼠仔蹛的所在，所有的鳥鼠仔摔落來著趕緊旋。旋到溝仔水分路的所在，因為黎米是最後旋的，所以伊毋知影亻因家族到底是行叨一條。後來黎米行毋對路啊！伊著踮佇一個所在等，等甲無聊，著來看伊偷提的彼本食譜。突然間，食譜尚頭頁頂的食神煞對黎米講：「你若腹肚枵，緊去縋樓頂看覓。」黎米回答：「我頭拄仔失去家己人。奇怪！你敢毋是死啊？我哪會及你講話？」冊頂的食神講：「因為你拄失去家己人，但你若一直看過去，著無好未來，緊去縋看一下。」黎米⻊百到一層樓，想欲偷食物件。突然間，靈魂的食神出現共罵講：「你咧創啥？你毋是賊仔，你是廚子，廚子做菜，賊仔偷提。黎米你毋是賊仔。」黎米講：「我腹肚枵啊！」靈魂食神講：「腹肚枵物件攏會馬上送來。」然後黎米著放捒食物件，繼續向樓頂⻊百。⻊百到厝尾頂，黎米才知影原來伊一直攏生活佇巴黎。然後有一個控逢中的人對伊講話，黎米才知影原來食神𤆬伊來到伊的餐廳。黎米著趕緊去參觀一下。鏡頭來到餐廳的灶跤，有一個新來的員工吝圭尼(Alfredo Linguini)欲來揣頭家阿史(Skinner)，伊共批提予頭家了，頭家講：「我會共遮的歸檔。」但有人講：「阮已經錄取伊啊！」頭家阿史著罵講：「恁哪會使無經過我的同意著烏白錄取人？」二廚阿虎(Horst)講：「咱需要人來鬥摒掃。」頭家阿史著決定按呢。鳥鼠仔黎米佇叨？伊佇天井遐看亻因佇灶跤做菜。看的時陣，靈魂食神著順紲共考試。但問到吝圭尼的時，黎米感覺伊𣍐曉煮菜，但靈魂食神講：「我毋是有講過：『任何人攏會當做菜。』」然後黎米看著吝圭尼咧賤菜，伊著問看靈魂食神欲按怎，但無法度，因為靈魂食神是黎米家己想出來的。所以黎米著入去灶跤，閃避人類的視線，然後去解決彼鐤去予人賤的湯。做了，吝圭尼拄仔好來，著共黎米關起來。頭家阿史來啊！看著吝圭尼，著共罵講：「你正好膽，敢佇我的灶跤烏白做菜，看我今仔日欲按怎來共你修理。」罵的時陣，有人來𣁳彼鐤湯然後捧出去予人客。頭家著探頭看著人客的反應，著大聲喝：「吝圭尼，你辭頭路啊！免來上班啊！」服務生入來，講：「人客想欲揣頭家講一下。」原來彼人毋是一般的人客，是美食評論家，彼碗湯予伊感覺足特別，頭家阿史轉來試啉彼鐤湯，然後對吝圭尼講：「你這到底是啥物齣頭？」吝圭尼想講伊是毋是欲辭頭路啊！女廚子可麗(Colette)講：「你𣍐使予伊辭頭路，因為美食評論家足愛彼鐤湯，你若予伊辭頭路足無彩。」逐家講了著繼續工作。頭家阿史著叫吝圭尼愛閣做一概彼鐤湯。後來，鳥鼠仔黎米欲離開的時，去予頭家阿史看著，吝圭尼著共鎖佇罐仔內。頭家叫伊共刣死，吝圭尼想講佇灶跤刣，頭家著講：「你頭殼是毋是歹去啊？你敢知影若去予別人看著餐廳有鳥鼠仔會按怎無？咱的餐廳會去予強制解散，緊提出去，提去卡遠的所在。」吝圭尼提來到塞納河邊，當欲共鳥鼠仔黎米擲落去水底的時，著突然間及伊講話。後來吝圭尼決定共𤆬轉去，希望鳥鼠仔黎米會當教伊做菜。隔轉工早起，吝圭尼起床，發覺冰箱的門是開的，內底的物件攏無去啊！心內著氣家己是按怎會戇戇去相信一隻鳥鼠仔。原來，黎米咧準備早頓予吝圭尼食。食了亻因兩個著做伙去上班，吝圭尼來到灶跤的時，頭家阿史著共講：「歡迎來到地獄，請閣做一擺彼鐤無張持做出來的湯。欲偌久攏𣍐要緊，規個禮拜嘛會使。」吝圭尼咧工作的時，黎米佇伊身軀頂那趖那咬來共指揮，吝圭尼著趕緊走入去囥生菜的所在然後共罵。後來去予頭家阿史聽著，伊著入來看內底發生啥物代誌，好佳哉黎米差一點仔去予看著。無偌久，黎米藏佇吝圭尼頭頂的帽仔內，對伊的頭鬃搝搝搦搦，吝圭尼馬上閃開危險的物件。暗時吝圭尼轉來到厝，著來及伊做伙來訓練。黎米請吝圭尼掩目睭，然後用掠伊的頭毛來控制伊做菜。幾工以後，吝圭尼已經將湯閣共做出來啊！頭家阿史講：「恭喜你將無張持的湯做出來啊！毋過欲活佇我的灶跤毋通干焦靠一鐤湯，可麗會教你。」訓練中可麗不斷咧對吝圭尼唸，因為這款工作實在太要緊啊！訓練了後，暗頓時間到啊！服務生走入來灶跤緊張甲講：「人客咧問敢有新的菜？我共講我會問看覓。」頭家阿史著講：「正簡單，著做足久攏無做的菜。」毋過亻因講著人客足愛吝圭尼的湯，頭家著決定共責任交予吝圭尼。做的時陣，鳥鼠仔黎米不斷佇伊的頭頂指揮，同事不斷咧共唸，因為伊的做法佇亻因看是毋著。菜捧出去以後，服務生著入來共逐家講：「人客足愛食，有足濟桌的人客攏欲愛彼道菜。」所以強強規個人客攏點特餐。下班進前，逐家攏來及吝圭尼小敬酒一下。吝圭尼嘛順紲共鳥鼠仔黎米𤆬去外口的所在予歇睏，嘛予伊一寡物件食。吝圭尼倒轉來灶跤，頭家著揣伊去辦公室開講。講了，頭家著請伊清規個灶跤。鳥鼠仔黎米呢？伊咧食頓的時，伊阿兄廈米里拄仔好來啊！心內足歡喜小弟猶活咧，著𤆬伊去見家己人。黎米及伊老父開講中，講著伊家己及人類做伙的代誌。伊老父著𤆬伊去看刣鳥鼠仔的專賣店，共講：「及人類做伙攏會按呢，你愛想予清楚。」然後隔轉工，黎米倒轉去餐廳，看著吝圭尼摒掃摒到睏去。拄仔好可麗來啊！所以著趕緊搝吝圭尼的頭鬃共指揮。可麗入來，問伊足濟問題，毋過吝圭尼猶是無醒，可麗共搧喙䫌然後離開，吝圭尼著趕緊去阻止然後決定欲共講事實，當伊欲共帽仔提去來的時，黎米為著無愛予彼查某人知，所以著閣搝吝圭尼的頭鬃予伊去唚可麗。鏡頭來到評論家依古的辦公室，伊的祕書入來共講：「食神餐廳東山閣起啊！」依古掣一下。鏡頭閣倒轉去食神餐廳，頭家阿史非常失志，因為伊揣著的律師驗過吝圭尼的基因，伊是食神的囝，頭家阿史感覺怪怪。無偌久，餐廳無人，黎米伊阿兄廈米里𤆬一陣鳥鼠仔來向伊討物件食。黎米著去辦公室提倉庫鎖匙。提的時，囥佇辦公室的一堆食神的相片攏咧對黎米講話，黎米揣鎖匙的時，看著一份文件，著提起來看。看了著問食神：「吝圭尼竟然是你的囝。」食神回答：「我哪有囝，我不過是你想出來的。」後來頭家阿史拄仔好入來，看著黎米佇遐，著趕緊去共解決，黎米著提文件然後緊旋。頭家一直共逐，逐到塞納河，頭家摔落去水底，黎米著倒轉去餐廳。頭家阿史轉來到餐廳的辦公室，看著吝圭尼佇內底，著共喝講：「離開我的辦公室。」可麗來，著共講：「這毋是你的辦公室，是伊的。」吝圭尼升去總舖師啊！所以薪水會比以前卡懸，著買卡大間的厝。阿史的位著去予吝圭尼搶去啊！有一工，媒體訪問吝圭尼到一半，美食評論家依古來啊！著共講：「我明仔暗會來，毋通予我失望。」訪問了後，吝圭尼去辦公室罵黎米講：「你頭拄仔一直搝我的頭毛害我𣍐當專心回答記者的問題，你這個總舖師，先去外口歇睏一個。」阿史佇厝尾頂看著，驚一下著踅踅唸講：「彼隻鳥鼠仔竟然是總舖師！」黎米心情䆀，著決定暗時餐廳的人下班了後𤆬伊的家族來偷提餐廳的物件食。偷提的時陣，吝圭尼拄仔好轉來欲揣黎米，其他的鳥鼠仔攏覕起來，毋過最後嘛是去予吝圭尼看著。吝圭尼著共亻因趕出去然後大聲喝：「你竟然揣朋友來偷提物件，攏出去，莫閣轉來啊！無我會照餐廳的規定來共你解決掉。」黎米著講：「爸爸，你的意思是對的，咱無通改變家己的天性。恁這馬知影按怎入去，伊馬上著會離開啊！做恁去偷提。」隔轉工，依古欲來啊！吝圭尼著共員工宣布，毋過伊講話攏無重點，黎米佇窗仔外看𣍐落去。後來廈米里去抾物件食，但是黎米去共阻止的時，家己去予封佇籠仔內，原來是阿史設的陷坑，所以伊共黎米關佇車後斗內。靈魂食神出現共黎米講：「咱去予關起來啊！」黎米講：「我去予人關起來啊！你自由啊！你莫攏講我知影的代誌好無？我知影我是啥物動物，我無愛閣假仙啊！」靈魂食神講：「你毋識假仙。」然後消失。無偌久，伊阿兄及伊老父著來共救出去，然後三隻鳥鼠仔相攬了後，黎米著趕緊轉去餐廳。餐廳發生啥物代誌呢？服務生去共依古鬥點菜的時，服務生聽無依古所講的話，依古著講：「恁若無概念𣍐要緊，恁提供物件我來提供概念。」但服務生猶是聽無，依古著講：「去共恁的總舖師吝圭尼講伊欲予我啥攏會使。」因為黎米無佇吝圭尼的頭頂，所以吝圭尼著𣍐曉做菜，灶跤內底攏開始吵起來啊！吝圭尼驚甲覕入去辦公室。無偌久，黎米轉來啊！所有的員工著準備欲共解決，吝圭尼著趕緊來阻止逐家，然後對黎米講：「總舖師，多謝你轉來。」吝圭尼著共員工解說事實了後，問看亻因敢同意共鳥鼠仔留佇餐廳，毋過所有的人攏無同意著自動離開餐廳。黎米的老父拄仔好入來，共講：「歹勢，我對你及你的朋友有誤會。」然後叫亻因的家族來，閣共講：「咱是家族，阮𣍐曉做菜，但是你會使教阮按怎做。」講了無偌久，阿史進前敲電話拜託的衛生檢查人員來啊！黎米著派一部分的鳥鼠仔去阻止伊，賰的鳥鼠仔著佇餐廳共黎米鬥做菜。吝圭尼看著，著問黎米：「咱是毋是需要服務生？」黎米頕頭，吝圭尼著穿溜冰鞋去服務人客。可麗拄仔好轉來，吝圭尼拄仔好來到灶跤，著真歡喜伊轉來。黎米著叫可麗來做拉塔黜肄，毋過黎米看著可麗的做法毋著，著教伊按怎做。做了捧出去予依古，緊張的時間到啊！毋知依古會按怎評分。依古食落去，著想著伊的阿母。阿史食落去了後著感覺哪會遮好食，所以著入去灶跤看。所有的鳥鼠仔著共伊的喙掩起來然後及衛生人員關做伙。依古對吝圭尼講：「𣍐䆀喔！你是總舖師兼服務生。」吝圭尼共講：「多謝你。毋過我今仔暗干焦做服務生。」依古講：「按呢請問我愛去及叨一個總舖師說多謝呢？」可麗講：「你若欲見總舖師，請你等所有的人客攏離開。」依古決定留落來等。餐廳下班進前，吝圭尼及可麗著共鳥鼠仔黎米提出來予依古看，嘛予伊知影按怎做菜。隔轉工，依古的評論出來啊！伊寫講：「我本來對『人人攏會曉做菜』這句話非常無同意，毋過最近閣去食神餐廳食暗頓了後，我才知影食神的意思。食神餐廳是巴黎尚讚的餐廳。」毋過後來正無彩，鳥鼠仔亻因不得已愛放阿史及衛生人員走，亻因兩人著共餐廳有鳥鼠仔的代誌團出去，食神餐廳著去予人強制解散，依古嘛因為評論中無寫有關鳥鼠仔的代誌去予人掠著，伊評論的工作著辭頭路啊！毋過，依古開一間餐廳。暗頓時間到啊！黎米著為依古做拉塔黜肄然後吝圭尼捧出去予食，吝圭尼共依古講：「今仔暗欲閣愛啥？」依古著對灶跤內底的黎米笑講：「予我驚喜！」

  皮克斯公司(Pixar animation studio)的頭家約翰拉撒特(John Lasseter)伊少年的時識去伊老父的汽車公司做工讀生，因為按呢，伊對車感覺足趣味，所以佇2006年出一齣汽車世界的片叫汽車大集合(Cars)；2011年出第二集(Cars 2)。這兩齣著將咱普通所看著的不管是人抑是動物，攏會共擬做車。

  咱先來講第一集。拄開始，有一臺紅色跑車爍爁墨坤(Lightning Mcqueen)，伊是一臺菜鳥仔跑車選手，伊第一工的比賽，愛及四十一臺車比。突然間，伊衝到第一名，但真可惜，因為比賽中伊毋換輪仔，著庬痀啊！所以伊和赤核(Chick Hicks)閣有冠軍先生("The King", Strip Weathers)同時到終點。所以亻因三臺車後禮拜著愛去加州比賽。赤核共墨坤講：「嘿嘿嘿，誰代先到加州著會當及代挪可(Dinoco)的頭家參詳。」墨坤欲予卡車邁可(Mack)載去加州進前，邁可共講：「我共貨櫃停佇生鉎車寮的門口，你必須去探頭。」墨坤著怨嘆講：「我實在是足討厭生鉎的車。」邁可閣講：「你已經及亻因簽合約啊！」然後墨坤入去了然後上卡車，家己咧踅踅唸講：「明年我無想欲閣替亻因鬥拍廣告啊！」然後坐卡車邁可離開準備去加州。真可惜，路中因為邁可及墨坤攏睏去啊！墨坤無注意到家己因為卡車的設備䆀著摔落車，所以伊必須愛家己駛去加州。毋過伊煞行毋著路，去到油車水鎮(Radiator Springs)。伊因為超速去予警察逐，伊驚甲共彼所在一條足長的路剾歹啊！隔轉工，墨坤佇油車水鎮拖吊場熟似一臺拖車脫線(Mater)，但脫線煞毋知影伊是比斯敦盃汽車比賽(Piston cup championship)的一臺出名的跑車。不管啦！墨坤因為昨暝的代誌必須愛去油車水鎮法庭。法官褐珣(Doc Hudson)決定欲共破壞這所在的車關到死，毋過伊看著墨坤，著講：「共趕出這所在，這所在無需要跑車。結案！」墨坤心內足歡喜。突然間，律師保時捷莎莉(Sally Carrera)著去拜託法官褐珣請墨坤這臺跑車來修路，法官聽了感覺有道理，著決定按呢啊！墨坤感覺足失望，想講伊會使比赤赫及冠軍先生卡早到加州，但情形改變啊！伊必須愛開差不多五工的時間來修路。脫線無張持予墨坤落跑，好佳哉警察先生佇昨暝著抽伊的汽油予伊無法度離開。墨坤修路修到一半，聽著廣播電臺收著新的消息，著是赤核代先到加州啊！墨坤心驚甲著問脫線：「借問一下，我敢是完成著會使離開？」脫線回答：「亻因攏按呢講啊！」然後墨坤著用足緊的速度完成，毋過路修理甲足䆀，伊著共逐家講：「恁敢毋是講完成著會使離開？」褐珣博士講：「阮是叫你共路修理予好，毋是予䆀。請閣對頭開始。」墨坤接講：「我毋是專工修路的車，我是一臺跑車。」褐珣著講：「敢是？好，按呢咱兩個來比賽。你若輸，你來修路；我若輸，我來修路。按呢好無？」墨坤答應了後，著去一個足闊的所在比賽。比賽開始，墨坤向前衝，但褐珣博士竟然踮佇起點毋走。褐珣博士共逐家講：「咦！奇怪，我哪會一開始著輸啊！想講卡晏出發卡好。脫線，麻煩你紮鉤仔綴我來。」想𣍐到墨坤佇大斡的所在無法度應付，所以落入去一堆仙人掌內。褐珣博士著共笑講：「你比賽及修路仝款䆀。」隔轉工，墨坤將一段路修理足媠的，但是猶有足長的路愛完成。毋過，墨坤走去叨位去啊？因為半暝仔修路器的打馬膠用了啊！伊著拜託警察先生予伊來跑車場，伊欲想辦法克服彼個大斡。褐珣博士來共講：「囡仔，這是沙路，毋是打馬膠路，簡單來講，當你若倒斡的時，會感覺親像正斡。」墨坤無耐心的回答：「你到底是法官？醫生？抑是跑車選手？你講正有道理，前輪向正爿然後倒爿。多謝你，抑是我嘛免多謝，因為免多謝著是咧共你說多謝。」墨坤氣怫怫離開繼續解決斡路的問題，毋過伊猶是失敗。時間差不多啊！墨坤著閣轉去修路，修路的時，卡葡(Luigi)及刺挪(Guido)來共鬥修理伊的輪仔；紅先生(Red)來共鬥沖水洗車；莎莉來招待墨坤來蹛汽車旅館，毋是和別臺車蹛做伙，是墨坤一臺車蹛一間。彼工暗時，換脫線來監視墨坤，脫線著𤆬墨坤去共鐵牛仔(Tractors)創治，因為墨坤的聲傷過大聲，亻因著走予大臺鐵牛仔逐。轉來到原本的所在，脫線著講：「我尚好𤆬你轉氣去睏拖車場。」墨坤講：「莎莉欲予我蹛汽車旅館。」脫線閣講：「恁兩臺車是毋是戀愛啊？」墨坤著講：「莫烏白亂講，伊討厭我，老實講我嘛厭伊。」所以脫線著騙伊莎莉佇伊邊仔，墨坤著回答：「佇叨位？佇叨位？」脫線笑講：「恁兩個戀愛啊啦！」墨坤閣講：「請你莫毣呿好無？我煩惱你會去挵著物件。」脫線講：「拜託一下，我是毣呿選手呢！我表演予你看。」表演了後，墨坤著問伊按怎做會到，脫線講：「我用邊仔的鏡，我會當共鬥佇你的身軀頂，閣會當教你按怎用。」墨坤講：「看來這對我的比賽有效。」脫線共問：「我足想欲知影是按怎這個比賽對你來講遮爾仔要緊？」墨坤講：「這是我一世人欲愛的，我若贏這個比賽，我著無需要及生鉎的車做伙。」脫線閣問：「生鉎的車叨位䆀？」墨坤講：「我毋是咧講你，我是講別臺車。老實講我足愛你。」講了兩臺車著去歇睏啊！隔轉工，墨坤無張持共罐仔踢去褐珣博士的房間，伊著順紲入去看覓。想𣍐到褐珣博士嘛識贏過比斯敦盃。然後褐珣入來共趕。墨坤共講：「褐珣博士，想𣍐到你識贏過遮濟比斯敦盃。」褐珣博士講：「不過攏是空的啦！出去！」然後墨坤著去問油車水鎮的車敢知影褐珣博士識贏過比斯敦盃。無偌久，莎莉決定欲𤆬墨坤去行行，行到山頂的一個所在，莎莉著共墨坤講：「以前，這所在是有足濟人客，但這馬，因為高速公路落成通車以後，逐家攏毋知影失去啥啊！油車水鎮這幾年來攏無半個人客。」亻因倒轉來油車水鎮工作，墨坤拄仔好行去到跑車場，看著褐珣博士咧試車。墨坤看著伊遮爾仔厲害，著那綴伊行那講：「褐珣博士，講實在，你是出神入化的，是按怎欲佇高峰期放棄呢？」褐珣博士講：「你叫是我放棄？」褐珣博士著報伊看壁邊貼的一張報紙，墨坤才知影褐珣博士因為車禍出局。褐珣講：「亻因無愛我，當我拄修理好倒轉去的時想講會受著逐家的歡迎，但是亻因煞對我講：『你過時啊！』所以著攏去注意別個菜鳥仔。我一直有心欲比賽，煞無受著逐家的歡迎，我一直留彼張報紙提醒家己莫轉去。」墨坤講：「咱毋是亻因。」褐珣閣講：「你敢有咧關心別人？」墨坤閣講：「拜託一下，你蹛遮遮爾仔久，連家己的朋友是誰攏毋知。是啥人才干焦關心家己呢？」褐珣講：「共路修理予好你著會使走啊啦！」隔轉工，逐家想講墨坤共路修理好了後著恬恬離開。想𣍐到伊猶未離開，因為伊想欲請油車水鎮的車來共改裝。到暗時，有一陣車來啊！想講是人客，結果是採訪車及邁可欲來𤆬墨坤去比賽。比賽彼工，墨坤起毛䆀，一直分心。墨坤本來拜託邁可做伊的總機械師，想𣍐到伊聽著一句話：「我趕來遮毋是欲看你放棄。」原來是油車水鎮的彼陣車來做伊的機械師，負責共換輪仔；褐珣博士做總機械師，負責鼓勵伊閣有教伊過關方法。邊仔的車閣有記者斡頭看，才知影以前識贏過足濟獎盃的褐珣倒轉來啊！所有墨坤的痟友攏感覺墨坤真𠢕揣人。比賽中，墨坤𠢕毣呿，因為脫線共教的；刺挪閣會當家己一臺車換四個輪仔，邊仔的車看著攏掣一下。比賽到最後一輾，墨坤去予赤核挵出去場外的沙路，好佳哉褐珣博士有教伊欲按怎克服一個大斡，所以墨坤著救倒轉來啊！最後，赤核愈來愈氣，著對冠軍先生講：「我無愛輸你啊！」然後共挵一下予伊飛出去，冠軍先生彼臺車歸個攏去予挵甲害去，墨坤看著，著決定共獎盃讓予赤核，然後毣呿去幫助冠軍先生行了這場比賽，冠軍先生共講：「你敢知影你失去著獎盃的機會呢？」墨坤回答：「我識一個老人，伊對我講：『不過攏是空的。』」全場的痟友看甲感動到吼。比賽結束了後，代挪可的頭家著來問墨坤：「你有想欲做代挪可的代言人？」墨坤講：「但是我輸去啊！」頭家對伊講：「比賽尚要緊的毋是輸贏。」話講倒轉來，赤核走去叨位去啊？伊提著獎盃然後家己踮遐咧歡喜，根本無人欲插伊。因為進前脫線拜託墨坤若贏比賽，著愛予伊坐直升機，所以墨坤著去拜託代挪可公司派一臺直升機予脫線坐去散步。因為墨坤的成功，伊的公司決定欲佇油車水鎮設總部。正好，油車水鎮已經閣恢復興旺啊！

  紲落來咱來講第二集。拄開始，為著欲開發新的能源-----車能樂，有一個叫Z博士(Professor Zündapp)，伊著咧研究。研究中，邁可飛彈(Finn McMissile)來到亻因的石油工地調查，因為亻因是一個犯罪集團。邁可飛彈除了是一臺車以外，閣會使變做快船、噴射機閣有鑽水艦，伊身軀頂閣有足智慧的電腦會當調查閣鎖定嫌疑的車。邁可飛彈去予犯罪集團看著的時，著趕緊旋，邁可正巧，伊佇亻因派的軍艦所射出來的飛彈飛來的彼霎趕緊沉落去水底然後對後車箱放出四個輪仔予犯罪集團叫是伊死啊！鏡頭來到油車水鎮(Radiator Springs)。爍爁墨坤(Lightning Mcqueen)因為贏過足濟比賽著成做大明星，毋過伊必須愛歇睏一下。伊及律師莎莉(Sally Carrera)已經成做男女朋友啊！所以亻因兩臺車有閒的時攏會去食一頓。有一工，墨坤及莎莉咧食暗頓的時，新聞咧報導世界跑車比賽，代表義大利的選手方程式跑車阿超(Francesco Bernoulli)佇電視臺接受主辦者邁公爵(Miles Axlerod)的訪問，因為阿超佇電視臺咧對墨坤嗆聲，脫線(Mater)實在看𣍐落去，著敲應去共罵，墨坤去共阻止然後去共電視臺解說，講了電視臺的來賓邁公爵著問看墨坤敢欲參加世界跑車比賽，因為伊遐欠一個選手，所以墨坤著決定去報名。第一站比賽佇日本東京，彼所在佇咱普通時所看著的親像相偃選手等等遮的日本傳統，佇電影內攏擬做車。脫線及墨坤團隊攏及墨坤做伙去參加世界跑車比賽，到佇日本東京，逐家著去踅踅行行。踅到後來，彼陣車能樂犯罪集團嘛佇日本東京，調查人員邁可飛彈佇遐拄著佇日本東京做調查人員的同事郝莉莉(Holley Shiftwell)嘛佇遐，亻因兩臺車著做伙調查嫌疑的所在。脫線來便所方便的時，邁可飛彈的一個同事本來裝做車能樂集團的成員，來佇便所共家己變倒轉去原形。毋過真可惜，車能樂集團有兩個成員拄仔好來便所，著去予亻因看著，脫線拄仔好方便了後，著一直共外口的三臺車解說便所欲按怎用，邁可飛彈的同事趁伊咧講話的時，共探測器貼佇伊身軀頂，然後脫線去予彼兩臺車能樂集團的車趕出便所間。邁可飛彈的同事去予車能樂集團掠去用輻射共炸掉。郝莉莉這臺車的目睭嘛會當做電腦螢幕，伊經過電腦揣著探測器的使用人脫線，著去及伊開講，脫線看甲感覺足佮意這臺查某車。郝莉莉著共脫線鬥無線對講機予伊隨時及伊閣有邁可飛彈聯絡。比賽開始啊！脫線做墨坤的指揮者。但脫線身軀頂有兩臺對講機，一臺是及墨坤對話；另外一臺是咧及邁可飛彈閣有郝莉莉對話。所以伊所講的話墨坤、邁可飛彈及郝莉莉攏聽會著，但邁可飛彈及郝莉莉無法度聽著墨坤講話，墨坤嘛聽𣍐著亻因講話。拄仔好邁可飛彈及郝莉莉咧阻止車能樂集團來掠脫線，所以脫線必須愛離開比賽修理站然後聽郝莉莉的指揮。因為按呢，墨坤著第二，輸阿超。墨坤去揣脫線算數，講：「你到底是咧創啥？你頭拄仔講的話攏一直咧攪擾我比賽你知無？你害我輸去啊！我無需要你的鬥相共。」隔轉工，脫線心內足艱苦，決定家己坐飛凌機轉去美國。毋過佇機場，邁可飛彈假做行李人員共𤆬去坐亻因的私人飛凌機去法國揣一臺車來調查案件。到佇法國巴黎，亻因著共一臺三輪車拖去祕密的所在然後討論案件，彼臺三輪車講：「亻因非常有可能會佇義大利開祕密會議。」調查了後，亻因著坐私人高鐵去義大利，拄仔好世界跑車比賽的第二站嘛佇遐，看來脫線會當順紲去及墨坤亻因會合啊！佇哥鐵頂，邁可飛彈及郝莉莉利用義大利街仔路頂的監視器揣出車能樂集團的一臺及脫線生甲足成的拖車依凡(Ivan Mater)，著決定予脫線假做彼臺車入去偷聽亻因的祕密會議。到義大利，郝莉莉著去共依凡及邊仔的彼陣車講：「歹勢共恁攪擾一下，我阿公人無爽快，敢有人會當來共鬥相共？」依凡著綴伊去，然後郝莉莉共電予昏。脫線著假做依凡綴車能樂集團的車入去開會，邁可飛彈及郝莉莉著利用亻因代先鬥佇脫線身軀頂的監視器來偷聽亻因開會內容順紲共錄影錄音閣有翕相掠畫面。話講倒轉來，墨坤亻因來到義大利比賽的前一工有做啥呢？亻因去享受免費的飯店，因為卡葡(Luigi)及刺挪(Guido) 亻因的故鄉佇義大利，亻因全家著免費招待亻因及亻因的朋友。比賽開始進前，阿超著共墨坤講：「你敢知影，離開故鄉，實在是艱苦艱苦。我攏免哭，到底為何，遮著是我的故鄉。」墨坤聽了足𣍐爽，因為伊閣咧剾洗伊啊！比賽中，車能樂集團閣利用輻射炸三臺比賽中的車，邁可飛彈著趕緊去阻止亻因。真可惜，這擺亻因早著知影邁可飛彈亻因會來阻止，所以著代先準備一臺有強力吸石的直升機共掠去。郝莉莉感覺奇怪，後來才知影邁可飛彈去予掠去啊！郝莉莉著趕緊叫脫線放捒任務，毋過伊嘛去予亻因掠啊！依凡著共問講：「妳阿公有卡好無啊？」脫線咧？伊佇會議中無張持捅出伊家己本身的款著緊旋。後來墨坤贏阿超啊！阿超足受氣，但是其他的選手攏走去叨位去啊？其他的車因為比賽中有三臺車爆炸著害後壁來車攏挵甲糜糜卯卯。比賽結束了後，脫線欲去揣墨坤，伊一直咧喝伊的名，墨坤著趕緊去共揣。但後來煞揣著的是依凡。脫線走去叨呢？脫線去予車能樂集團掠去啊！所以墨坤猶是無見著伊，而且墨坤決定欲閣繼續完成最後一場比賽。邁可飛彈、郝莉莉閣有脫線三臺車攏去予掠去，而且車能樂嘛決定佇下一場比賽欲破壞墨坤。後來脫線一醒，才發覺伊及邁可飛彈閣有郝莉莉去予縛佇英國倫敦大鐘的機房內，車能樂集團著決定用輻射予墨坤爆炸，好佳哉亻因失敗，毋過亻因有利用另外一種計畫，脫線及邁可飛彈閣有郝莉莉想講感會是佇墨坤的修理站遐有炸彈，所以脫線著趕緊離開大鐘然後去叫墨坤亻因離開修理站，毋過邁可飛彈及郝莉莉經過亻因的電腦才知影是車能樂集團縛炸彈佇脫線身軀頂，拄仔好墨坤來啊！脫線著緊那毣呿那共講：「請你莫倚來！我身軀頂有炸彈。」墨坤那共逐那對伊講：「無毋對，你的影響力著親像一粒炸彈，你著是一粒炸彈。」然後墨坤著掠牢脫線的鉤仔，Z博士著趁彼霎，趕緊揤爆炸。毋過竟然捅頭啊！是按怎呢？因為脫線命令鬥佇伊身軀頂的電腦放出噴射器予伊家己向前衝。Z博士足受氣，拄仔好郝莉莉來啊！博士著緊旋，邁可著去共逐。逐到河邊，Z博士著叫伊的彼臺軍艦用吸石來掠邁可飛彈，毋過邁可飛彈正厲害，伊著共伊紮佇身軀頂的炸彈擲出去予吸石黏，然後彼臺軍艦著爆炸，Z博士著去予邁可飛彈掠著然後縛起來。掠來到脫線亻因佇咧的一個所在，著命令Z博士拆炸彈，Z博士著共逐家講：「彼是用聲音控制的喔！時間停止。」脫線身軀頂的炸彈電腦回答：「聲音無合。」Z博士笑講：「鬥炸彈的主人毋是我，愛主人來才有效，哈哈哈。有誰欲來試看覓無？」然後刺挪揣幾若支露萊錨攏無通拆炸彈。後來脫線著去揣邁公爵，拄仔好英國女王嘛佇遐。脫線著共逐家解說這案件，原來辦這場世界跑車比賽一切攏是邁公爵欲騙逐家車能樂是比石油卡好的物件，然後來共逐家創治。邁公爵因為驚炸彈爆炸，著趕緊喝：「時間停止。」定時炸彈著停落來啊！紲落來脫線共邁公爵的車蓋拍開予逐家看醼儿，郝莉莉共相片放出來予逐家看，證據攏出來啊！英國女王因為脫線幫助逐家，著決定予伊做榮民。紲落來油車水鎮著辦一場私人世界跑車比賽，所有的選手攏來佇這所在，墨坤共阿超講：「這個比賽無媒體的影響嘛無獎品的勾引，我尚愛按呢。」然後比賽開始啊！郝莉莉及邁可飛彈來送脫線物件，脫線著決定亻因送噴射器。然後脫線嘛入去及亻因做伙比賽，逐到墨坤遐，墨坤共講：「我佇終點等你。」脫線講：「喂喂，應該是我等你啦！」郝莉莉及邁可飛彈呢？亻因猶閣愛出任務，所以必須愛離開，亻因決定若有閒會轉來油車水鎮，而且郝莉莉欠脫線一概約會。

  海底大集合(Finding Nemo)拄出了無偌久，一個佇瓦拿公司(Warner Bros.)的電影製作人-----富萊德寶德(Brad Bird)來到皮克斯公司(Pixar animation studio)。來皮克斯進前伊識做過鐵大漢人(Iron Giant)，伊嘛是本公司的頭家兼導演約翰拉撒特(John Lasseter)的大學同學。伊來遮欲來做一齣片，叫做超人特攻隊(The incredibles)。這齣富萊德寶德本來拍算欲用2D來做，但是約翰拉撒特建議伊用3D。這齣有超人先生(Mr. Incredible/Bob Parr)，會當輕鬆扛幾若公噸的物件；樹奶超女(Elastigirl/Holly Parr)，會當將家己規身軀伸勼；冰超人(Frozone/Lucius Best)；會當射出冰來予任何物件結冰無通振動，閣會當予水馬上結冰。

  這齣拄開始，超人先生咧上班，做啥物頭路呢？做英雄的頭路，著是掠歹人、救人等等服務社區的工作。伊佇咧共警察逐歹人的路中，有一個老太太共閘車，欲拜託伊來共樹仔頂的貓仔搖落來，超人先生正巧，共貓仔搖落來了後，歹人的車拄仔好經過遐，著順紲用樹仔共擋起來予警察掠。超人先生正厲害，一概會使解決兩項代誌。轉來車頂，有一個囡仔，伊是超人先生的忠誠痟友-----巴迪/辛拉登(Syndrom/Buddy Pine)，伊足𠢕發明，所以著想欲分享予超人先生聽，但是超人先生咧無閒，所以著共擲落車然後繼續去做英雄的工作。超人先生行去一個厝尾頂巡邏，看著有賊仔咧偷提物件，伊當欲去阻止伊的時，拄仔好去予樹奶超女代先解決。兩個超人因為按呢著熟似。超人先生繼續做英雄的工作。突然間有人欲跳樓自殺，超人先生著趕緊跳去救彼人，然後亻因著落佇某一層樓。佇彼層樓，超人先生突然間感覺怪怪，伊著共彼人拖去安全的所在，掣一下！超人先生差一點仔去予炸彈客的炸彈炸著，超人先生轉咧勸炸彈客的時，巴迪閣來亂，炸彈客著共定時炸彈貼佇巴迪的身軀頂，超人先生著趕緊去共拆掉，因為拆掉的時巴迪拄仔好咧飛，所以超人先生及定時炸彈著落佇高架鐵路頂然後爆炸，好佳哉超人先生無去予炸著，毋過拄仔好捷運列車拄仔好駛過來，所以伊著趕緊去擋車。然後超人先生著趕緊去赴伊家己的結婚。伊欲及誰結婚呢？欲及樹奶超女結婚。幾工以後，超人先生去予跳樓者告阻止自殺，捷運案件嘛去予人告，因為按呢，社區的百姓攏對亻因這款英雄的工作不滿，所以著攏徛出來抗議。這馬遮的英雄佇叨位呢？這馬亻因著掩名，和一般人仝款正常生活。15年以後，超人先生自無英雄的頭路，著佇保險公司上班，樹奶超女著佇厝做家庭主婦。兩人嘛已經有三個囝啊！尚大隻叫眉胡列(Violet Parr)，中學生，會當將家己變做隱藏人嘛會當變出防守物件；第二隻叫阿飛(Dash Parr)，小學生，會當走甲及飛凌機差不多緊；尚細隻叫阿傑(Jack-Jack Parr)，伊才拄出世無偌久，猶是一個嬰仔，伊會當家己𤏸火。下晡差不多三四點，樹奶超女著駛車𤆬阿傑去接眉胡列及阿飛下課。到阿飛的學校，阿飛竟然去予掠去校長室，是按怎呢？因為伊對老師作孽，伊佇老師欲坐落去的一目𥍉仔，偷偷共釘仔囥佇老師欲坐的椅仔頂。紲落來著去接眉胡列。逐家轉來到厝暗頓食飽了後，因為拄仔好是禮拜三，超人先生著及冰超人做伙去拍保齡球。毋過兩人並無去，亻因佇車內聽警察頻道，拄仔好聽著火災的所在著佇附近，所以亻因著去鬥救人，但真可惜，冰超人無法度佇遮爾仔熱的所在噴冰，所以人有救出來但規間厝攏倒去，拄仔好警察來啊！攑銃對亻因兩個喝：「手攑起來！」冰超人拄仔好看著伊邊仔有水通啉，所以著啉水，然後噴冰冫彥攑銃的警察，閣來兩人著趕緊走。隔轉工，超人先生去予頭家罵，罵的時陣超人先生一直看著窗仔門外口有賊仔咧偷提物，著共頭家講：「外口的人可能需要鬥相共。」但頭家講：「希望毋是咱的人客。」後來外口的賊仔走去啊！超人先生感覺害啊！但頭家煞講：「按呢正好。」超人先生因為頭家的野心不滿，著共擲去挵壁。超人先生因為按呢嘛擲去伊保險的頭路。轉來到厝，著將伊的公事包內的物件攏擲去糞埽桶，擲的時陣，發現著伊的包仔內加一項物件，著提起來看覓。彼是一臺類似平板電腦，螢幕內有一人名叫幻影(Mirage)共超人先生說明有一座無人島需要英雄的鬥相共，伊嘛對超人先生講：「超級英雄無消失，超人先生你猶原存在，你閣會當得著逐家的謳咾。抑是你欲繼續聽警察頻道，攏你家己來決定。請佇一點鐘以內應聲。」超人先生聽了心內足暢，伊閣會當倒轉去做英雄的頭路啊！無偌久，彼臺電腦自動爆破。厝內的自動戽水器著發動，厝內的物件攏澹去啊！亻因當咧共物件吹予焦的時，超人先生著順紲共伊某講：「講著工作，有一件代誌必須愛共妳講。公司欲派我去外位出張，我去無幾工著會轉來啊！」伊某樹奶超女講：「這敢是好代誌？你看，想𣍐到公司看著你的才情啊！你欲發達啊！」摒掃了後，超人先生著敲電話去共彼單位講：「你好，我是超人先生，我加入恁。」超人先生坐及幻影坐飛凌機去無人島，幻影佇飛凌機頂著共說明：「這座島有一臺機器蜘蛛，伊一直咧破壞這座島，你愛阻止伊但是莫拍歹伊。」超人先生著問：「妳欲我去阻止但莫拍歹彼物件？」幻影著講：「因為你是超人先生啊！」然後超人先生著家己一個人跳落去彼座島。無偌久，機器蜘蛛來啊！超人先生想講一拳舂落去著好啊！但是無效，伊著緊走去火山地帶，然後將伊擲入去火湖底。但猶是無效，彼臺機器猶是⻊百會起來，所以超人先生趕緊覕佇機器內底然後走出來，規臺機器著攏害去啊！然後超人先生及幻影開會開了著轉去啊！超人先生到厝了後，這幾工日時去鍛練伊家己的身體，下晡轉來厝著開足濟時間陪囡仔。幾工了後，因為超人先生看著伊以前的超人衫穿𣍐落，所以著去揣衣夫人(Edna Mode)拜託伊來共鬥紩衫。轉來到厝，突然間幻影收著一項新的任務，所以閣敲電話來揣超人先生，超人先生著閣去彼座無人島，幻影共講：「請佇兩點來A113室聽簡報。」兩點到啊！超人先生到會議室，竟然無半個人，突然間，頂擺的彼臺機器蜘蛛著共掠起來，原來叫超人先生來無人島是辛拉登為著欲揣超人先生算數來設計的。後來超人先生著覕入去水底，辛拉登看著，著用炸彈炸伊，好佳哉超人先生無去予炸著，伊著順水的方向泅到一個不明的所在。辛拉登為著欲調查超人先生敢去予伊解決，所以著用自動探測器來調查。超人先生正厲害，伊覕過探測器予辛拉登叫是伊死，按呢才𣍐一直揣麻煩。鏡頭倒轉來超人先生的厝，樹奶超女看著有關衫的問題，所以著去揣衣夫人。衣夫人著順紲共介紹伊為亻因全家所設計的超人衫。樹奶超女著喝講：「我及我翁攏退休啊！無咧做英雄的頭路啊！」衣夫人感覺奇怪，著問：「伊是按怎欲共妳講白賊？伊這款查埔人到這個年歲起毛無啥穩。妳敢知影伊佇叨？」樹奶超女回答：「伊毋是彼種人，我知影伊佇叨。」衣夫人閣共問一擺：「妳敢真正知影伊佇叨？」然後樹奶超女敲電話問超人先生進前上班的公司，公司的員工共講：「我的資料寫講伊差不多一個月進前著去予開除啊！」電話講了，衣夫人閣共講：「所以妳根本毋知影伊佇叨。遮有一臺超人衫確認器會當報予妳知。」超人先生拄仔好偷偷入去無人島的電腦室調查案件拄調查了當欲離開的時，樹奶超女揤彼臺確認器，超人先生的衫著霆，然後超人先生著去予掠去啊！樹奶超女知影伊翁佇叨了後，著決定家己駛飛凌機去彼座島，想𣍐到眉胡列及阿飛煞綴來，共阿傑擲佇厝拜託人來共照顧。無偌久，有飛彈飛過來，樹奶超女拜託伊查某囝眉胡列用出防守的物件，但無成功，飛凌機猶是爆炸啊！好佳哉三個人攏真平安，無一個著傷。然後三個人到無人島，樹奶超女著請囡仔踮佇安全的所在，然後伊家己去救超人先生。隔轉工，樹奶超女著共超人先生救出來，無偌久，有偵測鳥仔測著兩個囡仔是外來的人，所以島內著派人去掠亻因。然後全家攏集做伙啊！毋過猶是去予辛拉登掠啊！辛拉登為著欲成做英雄，著將真正的英雄掠起來。超人全家看著新聞咧報導有關機器蜘蛛破壞城市的消息，著趕緊離開無人島去彼城市。亻因解決彼臺足歹解決的機器，全市民攏共拍噗仔，然後政府著決定予亻因閣倒轉來做英雄的頭路。辛拉登呢？伊為著欲報仇，著偷提阿傑，阿傑著離用火燒的方式來脫離辛拉登，辛拉登後來捲入去飛凌機的機器來然後死啊！

  2014/02/15朝晨07:30，𠊎兜教會學生仔牧區所有个人都集合準備出發，𠊎等兩輛遊覽車，𠊎坐在第一輛。上車出發無幾久愛做麼个呢？𠊎兜人愛共下來為這兩日个門徒營祈禱。所以𠊎兜第一車就請小𠊎幾個月个姊妹Joy來帶等大家祈禱。𠊎係該活動負責錄影个人，所以該時𠊎一片錄影一片祈禱講：「阿爸上帝啊，求你賜分𠊎兜好天，使活動做得進行順利。哈利路亞！……」到活動个所在------陽明山某位，𠊎兜拿等自家个行李下車，順續仔搬活動个設備去禮堂。到禮堂，大家都坐下來，𠊎企在後背錄影。活動開始前愛做麼个呢？愛請該擺活動个班長Tony兄弟來摎大家講活動規範，佢講：「請大家揙到手冊第二頁。大家敢有看到亻恩个時間表？請大家注意，愛在坐尞个時間正做得去食點心。𠊎若吹嗶嗶仔，好好壞壞，請放下你所有个工作轉來禮堂。」講忒後接等係破冰時間，𠊎兜大家去禮堂外背个籃球場尞。這兩日个破冰主持人都係Joy姊妹摎阿耀兄弟。𠊎兜在籃球場尞「膨尾鼠摎樹」。愛仰般尞呢？三人一組，兩儕人牽手做樹，一儕人包在兩儕人裡背，主持人若講：「木匠來了！」牽手个兩儕人愛離開去包別人；主持人若講：「獵人來了！」包在裡背个人愛離開去尋別人包；主持人若講：「森林大火！」所有个人愛離開去重組。𠊎係負責錄影个人，敢有去尞？有，𠊎請阿丹兄弟錄影然後𠊎入去摎大家尞。毋過𠊎尞無幾久因為尋無人就失格了，所以𠊎就繼續錄影。尞忒後就轉去禮堂上課，第一堂課係「兵團選拔」，講師係該擺活動个班長，內容係有關孤兒个靈摎兒女个靈有麼个無共樣。打白講𠊎心中曾經有孤兒个靈，特別係𠊎非常細心細意在別人个眼光。感謝主分𠊎經歷著佢，𠊎正知做麼个愛逐日靈修，因為世間个東西總係千變萬化，獨獨主耶穌基督永遠毋會變。所以若沉迷在世間个東西，總愛有粗粗仔改變，就會分人試著自家活毋落去。上忒課後下課十分鐘，𠊎兜後背有福利社分大家買東西食摎尞，負責人也係𠊎兜教會个人。另外還有一個箱仔摎卡片，分𠊎兜寫分任何愛感謝个人，寫忒就放入箱仔裡背。𠊎寫卡片分Cynthia姊妹、Jason兄弟、Ginger姊妹、阿葳姊妹摎博士兄弟，感謝佢等个𢯭手，𠊎在第一堂課敬拜个時節，本來打算用手將三腳架擎起來分錄影機鏡頭做得翕著棚前，承蒙佢兜幫𠊎搬凳仔來分𠊎做得輕鬆錄影。第二堂課係「兵團訓練」，講師係博士兄弟，內容係有關教會个小組。該堂課𠊎特別學著个係教會个小組毋係團契，𠊎摎大家分享。組織方面，團契較糝糝，小組較嚴密；目的方面，團契聯誼，小組添加；運用方面，團契看活動，小組看互動；功能方面，團契有限制，小組係全面个。下課過後，當晝个時節到了！𠊎兜大家去食東西。食个時節，𠊎夾一尾魚仔个卵，𠊎這桌个人就喊𠊎遽遽食忒。食了過後，下晝頭𠊎兜去尞「揪揪閃閃」，愛仰般尞呢？所有个人圍做一圈，左手比一放在右片人个手下背；右手比五放在左片人个手上頭。主持人在講話个時節，若有講著「愛」，右手就愛揪右片人个手；左手愛閃，做毋得分左片人揪著。𠊎無摎佢等尞，因為𠊎尞過當多擺，就決定來錄影。尞過後就去禮堂上第三堂課，該堂課喊做「兵團實戰演練」，講師本本係博士兄弟，內容係有關批評。打白講𠊎盡會批評人，因為𠊎輒常為著自家个利益。毋過當𠊎若愛去批評人，心中會想著今晡日若係𠊎自家分人恁樣對待，𠊎个感覺會仰般？所以當𠊎想愛批評人个時節，都會祈禱向上帝講，求上帝分𠊎知係別人个過錯也係𠊎自家。接等係「進擊个巨人」，𠊎兜分組去走關。總共有五個關，𠊎這組个第一關係愛旋轉五圈然後關主會分𠊎兜任務；𠊎兜个第二關係含等吮管，用吮管來傳衛生紙。尞个時節，派大星緊在笑害𠊎兜大家也在笑，所以關主軟心就分𠊎這組無條件過關；第三關喊做「白泡泡幼糜糜」，摎電視節目「綜藝大集合」差毋多。𠊎將球吹出去過後，就變做老人；第四關就係愛去揪揞目珠个人，而且做毋得分佢个手巾仔拂到；包尾一關就係愛去搶寶劍摎阻攔關主搶位仔。尞過後，𠊎兜去食晚餐然後去上第四堂課「傳承个暗晡」，講師係阿霖傳道，內容係有關經營教會个方法，𠊎特別愛摎大家分享𠊎所學著个。𠊎等大家做麼个來到地球呢？因為𠊎等大家愛在這個孤單个地球摎上帝建立關係。相信主耶和華係起頭，歇在耶和華个聖殿中係重點。另外還有愛摎大家強調，教會愛「老實」毋係「表面」；教會愛「鼓勵」毋係「批評」；教會愛「接納」毋係「否認」；教會愛「支持」毋係「怪怨」；教會愛「輒輒聯絡」毋係「獨獨聚會」。下課過後，𠊎兜大家都準備去洗身。毋過𠊎房間隔壁阿丹摎阿耀个房間有洗身間，所以𠊎兜教會个人都來摎佢等借。

  隔日朝晨，𠊎兜先去靈修然後食朝。食朝過後又係破冰个時間，這界嘸喊做「猜自家个隊員」。請輔導出來尞，隊員對輔導講話，輔導愛猜係麼人个聲，若猜毋著，就愛用目眉毛寫字做處罰。想毋來，所有个輔導都輸忒了！接等係最尾一堂課「摝動天下啦！」，講師係阿葳姊妹，內容係有關為主做工摎傳福音。𠊎愛來摎大家分享𠊎所學著个。感謝上帝分𠊎到這間教會，因為這間教會个異象係「極大影響力个教會，極大影響力个自家」。𠊎希望自家做得成做有影響力个人，所以感謝上帝在2008年帶等𠊎到這間教大家影響力个教會。愛仰般做呢？首先，就係聖靈充滿；二，見證上帝个作為，包含講方言、分人得著醫治、趕鬼、知掩情、死人復活、看著異象、講預言摎分人領受聖靈；三，等候上帝然後無停祈禱，還有互相相愛。上課過後係差派禮，所有个人包含後棚錄影个𠊎都愛去棚前分人祈禱。差派禮過後，係榮耀个時間。這擺活動个班長Tony兄弟頒一條鍬苛列分𠊎，因為佢試著𠊎在後棚錄影當打拚，連寫字也企等寫。感謝佢个稱讚，毋過𠊎這兩日毋坐下來也係因為愛預防自家啄目睡。

  這擺活動除忒分𠊎做得服事主以外，又做得學著當多東西。𠊎愛感謝上帝聽𠊎兜第一日出發个祈禱，賜分𠊎兜好天，分活動順利。未來還有當多活動，求上帝利用𠊎兜後生人个影響力來為主見證。請大家將榮耀歸在至高个主，哈利路亞！

  2014/02/15早起07:30，阮教會青年學生區所有的人攏集合準備欲出發，阮叫兩臺遊覽車，我坐第一臺。上車出發無偌久愛創啥呢？阮愛來為這幾工的門徒營祈禱。所以阮第一車著請減我幾個月的姊妹Joy來𤆬逐家祈禱。我是本活動錄影的人，所以我彼陣著那錄影那祈禱講：「主啊，求你賞賜阮好天，予阮的活動𣍐變來變去。哈利路亞！……」到佇活動的所在------草山的一個所在，阮著提家己的行李落車，順紲搬活動用的設備去禮堂。到禮堂，逐家攏坐落來，我徛佇尚後壁的所在錄影。拄開始欲創啥呢？著是愛請這活動的班長Tony兄弟來共逐家說明規則，伊講：「請逐家掀開手冊第二頁。逐家有看著咱的時間表無？請逐家注意，愛佇歇睏時間才會使去便所抑是食物件及啉物件。當我若歕觱仔，不管咧創啥，請停止你手做的工轉來禮堂。」講了紲落來是破冰時間，阮逐家著去禮堂外口的籃球場耍。這兩工的破冰主持人攏是Joy姊妹及阿耀兄弟。阮佇籃球場耍啥物呢？阮耍「一隻膨鼠及兩欉樹仔」。欲按怎耍？三人一組，兩人兩枝手牽做伙做兩欉樹仔；一人包佇兩人內底做膨鼠，主持人若講：「敆作師父來啊！」兩枝手牽做伙的彼兩人著愛離開去包另外一個人；主持人若講：「獵人來啊！」包佇兩人內底的彼一個人著愛去揣另外兩人予包；主持人若講：「森林大火！」所有的人著攏愛走去重組。我是負責錄影的，敢有入去耍？有，我請阿丹兄弟共我鬥錄影然後我入去及亻因耍，但我耍無偌久因為揣無人通組著失去資格，所以我著繼續錄影。耍了著轉去禮堂上課，第一堂叫「兵團選拔」，講師是本活動的班長，內容咧講有關孤兒的靈及囝兒的靈有啥無仝。老實講我心內識有孤兒的靈，特別是我非常驚別人的眼光。但是感謝主予我經歷著伊，我才知影是按怎逐工愛靈修，因為世間的物件總是會改變，只有主耶穌基督永遠攏𣍐變。所以若痴迷佇世間的物件，只要有小可仔改變，按呢絕對予人感覺家己活𣍐落去。上課了十分鐘的下課時間，阮後壁有福利社予逐家買物件食抑是耍，負責人嘛是阮教會的人。另外閣有一個箱仔及卡片，予阮寫卡片予任何欲感謝的人，寫了然後擲入去箱仔內。我寫卡片予Cynthia姊妹、Jason兄弟、Ginger姊妹、阿葳姊妹閣有博士兄弟，感謝亻因的鬥相共，我佇第一堂課敬拜中，本來拍算欲用手共三跤馬攑起來予錄影機的鏡頭通翕著臺前，感謝亻因共我鬥攑椅仔來予我會當將鏡頭用予卡懸然後輕鬆錄影。第二堂課是「兵團訓練」，講師是博士兄弟，內容是有關教會的小組。這堂課予我特別學著的是原來教會的小組並毋是團契，我來共逐家分享，組織方面，團契卡流糍，小組卡嚴密；目的方面，團契聯誼，小組增長；運作方面，團契看活動，小組看互動；功能方面，團契有限制，小組是全面的。下課了後，中晝時間到啊！阮逐家著愛去食中晝。食中晝中，我共一尾魚的魚子夾起來，阮這桌的人著叫我緊食落去，因為亻因感覺彼物件看起來足無衛生。食了下晡阮著閣去耍，耍啥呢？耍掠及閃，欲按怎耍？所有的人圍做一輾，倒手比一枝指頭仔囥佇倒手爿的人的手下跤；正手比五枝指頭仔囥佇正手爿的人的手頂面。主持人講的話中若講著「疼」，正手著愛掠正手爿的人；倒手愛閃，毋通予倒手爿的人掠著。我彼陣無耍，因為我耍過足濟擺啊！所以著決定來錄影。耍了阮著去禮堂上第三堂課，這堂課叫「兵團實戰演練」，講師嘛是博士兄弟，內容是咧講有關批評。我其實嘛足𠢕批評別人，因為我定定會為著家己的利益著去共別人嗆聲。但是當我若欲共人嗆聲的時，我心內會想著講今仔日若是我去予人按呢講，我會有啥物感覺？所以我若想欲講批評別人的話，攏用祈禱對上帝講，求上帝予我知影是彼人的毋對抑是我家己的毋對。紲落來，著是「進攻的巨人」，阮著分組去走關。總共五個關，阮這組的第一關是愛踅五輾然後關主會予阮任務；阮這組的第二關是含欶管，用欶管來傳衛生紙。阮咧耍的時陣，派阿星直直咧笑害阮逐家嘛綴伊笑，所以阮是拄仔好因為關主軟心予阮無條件過關；阮這組的第三關是「白泡泡幼糜糜」，及「綜藝大集合」這個節目的耍法差不多只不過有小可仔改變。我共球歕出去了後，著變做老人；阮這組的第四關著是愛去掠掩目睭的人，而且毋通去予伊的手巾仔捽著；最後一關著是愛去搶寶劍閣阻止關主搶著座位。耍了，阮著去食暗頓。暗頓食了，著閣去禮堂上「傳承的暗暝」的課，講員是阿霖傳道，內容是咧講有關經營教會的方法。我特別愛及逐家分享我所學著的，咱人是按怎來到地球？著是欲佇這個孤單的地球來建立及主的關係。相信主耶和華是起頭，徛起佇主耶和華的厝才是重點。閣有著是愛及逐家強調，教會欲愛的是「老實」毋是「表面」；教會欲愛的是「鼓勵」毋是「批評」；教會欲愛的是「接納」毋是「否認」；教會欲愛的是「支持」毋是「怨嘆」；教會欲愛的是「定定聯絡」毋是「干焦聚會」。下課了後，阮逐家攏準備欲去洗身軀。毋過我房間隔壁阿丹及阿耀的房間有洗身軀間，所以阮教會所有的人攏來及亻因借。

  隔轉工早起，阮著先去靈修然後食早頓。食了閣是破冰的時間，這個奕只有予輔導抑是隊長出來耍，耍啥？耍「臆家己的組員」。按怎耍？隊員會對耍者講話，耍者愛臆看是啥人的聲音，若臆有毋對的，著愛用目眉寫字做處罰。想𣍐到，所有的耍者攏輸啊！紲落來是上最後一堂課，這堂課叫做「吵抐天下啦！」，講師是阿葳姊妹，內容咧講有關為主做工閣有傳講上帝的話。我欲來及逐家分享我所學著的。感謝上帝予我來到這馬這間教會聚會，因為這間教會的異象是「大大影響力的教會，大大影響力的家己」。我向望家己會當成做有影響力的人，所以感謝上帝佇2008年𤆬我來到這間教人如何有影響力的教會聚會。欲按怎做呢？第一著是聖神充滿；第二是見證上帝的作為，包括講方言、予人得著醫治、趕鬼、知影隱情、死人閣活、看見異象、講預言閣有予人領受聖神；第三點著是愛靜候主然後不斷祈禱，閣來互相相疼。上課了後著是差派禮，所有的人包括佇後臺錄影的我攏愛出來到臺前予人祈禱。差派禮結束了後，著是榮耀的時間。這擺活動的班長Tony兄弟頒一條奏餬黎都予我，因為伊感覺我佇後臺錄影非常骨力，連寫字嘛攏徛咧寫。感謝伊的謳咾，毋過其實我這兩工上課毋坐落來是欲擋家己盹龜。

  這擺活動除了予我通服侍主以外，閣會當學著足濟物件。我欲感謝上帝聽阮第一工出發的祈禱，賞賜予阮這兩工的好天，予活動進行甲順利。未來閣有真濟活動，求上帝利用阮遮的少年囡仔的影響力來為主見證。咱將榮耀歸佇至懸的上帝，哈利路亞！

閩南語:

耶和華啊，你已經鑑察我，識我。我坐落去，我⻊百起來，你攏知；你對遠遠知我的念頭。我行路，我倒佇眠床，你攏詳細知；我一切所行的，你也深知。耶和華啊，我的喙所講的話，你無一句毋知。你佇我的前後圍我，扞手佇我的頂面。這款的知識奇妙，我𣍐測度，真懸，我𣍐到。我欲去叨位閃避你的神？我欲走去叨位、閃避你的面？我若上天，你佇遐；我若睏佇陰間，你抑佇遐。我若展開清早的翅，飛到海的極頭來徛起，就若佇遐，你的手抑欲引𤆬我；你的正手抑欲牽我。我若講：烏暗欲掩我，閣四面的光欲變做暗暝；就烏暗抑𣍐掩我，予你無看見，烏暗暝親像日時發光。烏暗及光明，佇你看攏是仝款。因為我的臟腑是你所創造的；我佇老母的腹肚內，你有庇佑我。我欲感謝你，因為我受造，奇妙通驚；你的所做奇妙，這是我的心深知的。我佇暗中受造，佇地的真底受聯絡；彼時，我的形體無隱瞞佇你。我未成形的體質，你的目睭已經看見；所定著的日子，猶未有一日，攏記佇你的冊。

客家話:

上主啊，你有試驗𠊎，你認識𠊎。𠊎个一舉一動，你全部知；離開恁遠，你也知𠊎个心思。無論𠊎做事也係歇睏，你一直看顧𠊎；𠊎一切所做个，你全部知。上主啊，𠊎吂講，你就知𠊎个意思。你在𠊎四周圍保護𠊎；你用你个權能保祐𠊎。你認識𠊎非常徹底，超過𠊎所能理解个。𠊎愛去哪位正閃得開你个靈？𠊎愛走到哪位正閃得開你个面？𠊎若係上到天頂，你一定在該位；𠊎若係下到陰間，你也會在該位。𠊎就係飛到東片个天涯，也係歇在西片个海角，你个手也一定會在該位帶領𠊎；你个右手絕對會在該位扶持𠊎。𠊎若係講：「烏暗一定會遮等𠊎，𠊎周圍个光明會變做烏暗」，總係對你來講，烏暗毋算烏暗，暗晡頭摎日時頭共樣恁光。烏暗摎光明對你來看係共樣个。𠊎个五臟六腑係你造个；在母胎中你使𠊎成形。𠊎頌讚你，因為𠊎个受造得人畏又神奇；你个作為實在奇妙，這係𠊎个心深知个！𠊎在母胎个裡背恬恬成形，你也盡清楚；像係在盡深个地底下製造个，也瞞你毋過。𠊎出世以前，你个目珠已經看到𠊎个形體；人生吂開始，你就為𠊎打算，記在你个書項。

閩南語:

所以人若踮佇基督，著是做新創造的，舊的代誌已經過去，今攏變做新的。

客家話:

無論麼人，若同基督結連，就係新造个人；舊个事已經過去，全部變做新个了。

  這齣片海洋大集合(Finding Nemo)是皮克斯公司(Pixar animation studio)佇2003年出的第五齣片，這齣是予𨑨迌物大集合(Toy story)、蟲的危機(A bug’s life)閣有魔神仔電力公司(Monster Inc)的編劇安得呂斯丹頓(Andrew Stanton)所導的。這齣片早佇1992年著開始咧構想啊！做十偌年。

  這齣片的拄開始，有兩隻小丑仔魚，一隻叫馬林(Marlim)；一隻叫珊瑚(Coral)，這兩隻魚仔是翁某，有幾若的囡仔攏已經去予珊瑚放卵落來但猶未出世，兩隻魚仔著咧討論欲為囡仔號啥物名，珊瑚著想著一個名，叫尼摩(Nemo)。無偌久，有一隻加馬斯魚來啊！珊瑚踮遐咧躊躇，馬林著共講：「咱卡緊覕佇間仔內，囡仔𣍐出代誌。」毋過珊瑚猶是決定泅去保護囡仔。正害，珊瑚到尾仔和一陣囡仔去予彼隻魚食去啊！馬林艱苦甲𣍐使。後來，伊看著賰一粒卵佇遐，伊著提彼粒，對伊講：「好，免驚，爸爸佇遮，爸爸揣著你啊！我保證，一切攏順利。尼摩！」尼摩出世以後，有一工早起，心內足暢，講：「讀冊的第一工！讀冊的第一工！」伊爸爸馬林著𤆬伊去學校，到佇學校的時，蝶仔魚、海馬及雨傘打可三隻魚看著馬林，著共講：「你是小丑仔魚？按呢你一定𠢕激五仁。敢會使請你來講笑詼？」馬林雖然對亻因講，毋過講甲𣍐輾轉。後來，魴魚阿黎老師(Mr. Ray)來啊！欲𤆬學生去探索。亻因離開了後，馬林著繼續及彼三隻魚開講，結果亻因講著彼陣囡仔欲去坑崁，馬林心內著緊張甲去逐。好佳哉馬林逐著亻因，拄仔好尼摩咧和頭拄仔馬林咧開講的彼三隻魚的囡仔咧比賽誰會當泅去船附近。馬林著來共尼摩講：「行，咱來轉去，明年接閣轉來讀冊。」尼摩著對伊爸爸講：「我討厭你。」然後馬林揣阿黎老師參詳的時，尼摩真正泅去摸船底，馬林著大聲喝：「不准摸彼個物件，馬上共我轉來。對，著是按呢，你麻煩大啊！」然後藏水沬的人拄仔好出來，著共尼摩掠去，閣對馬林用爍光燈翕相，馬林因為頭拄仔彼爍光燈，目睭著霧霧，𣍐赴逐船，所以伊著趕緊去討救兵。有一隻南洋剝魚多莉(Dory)無張持去挵著馬林，來共回失禮，馬林順紲問伊敢知影船佇叨，彼隻魚講伊知，請馬林綴伊行。毋過泅到一半，多莉著對馬林講：「你咧創啥？莫一直綴我好無？」馬林著共講：「妳毋是講妳知影船向叨位駛？若是咧滾笑，一點仔攏𣍐好笑。」多莉著共講：「歹勢啦！歹勢啦！我有小可仔著健忘症。」馬林規氣家己去揣，拄離開的時，拄著鯊魚富呂斯(Bruce)，富呂斯著堅持這兩隻魚仔來聚會。富呂斯有兩個鯊魚兄弟，一隻叫阿沈(Chum)；一隻叫安可(Anchor)。三隻鯊魚佇聚會進前做伙宣告：「魚是來做朋友，毋是做來食的。」然後亻因請馬林講笑詼，毋過馬林拄仔好看著頭拄仔掠尼摩的人的水目鏡，著去提來看覓，但是及多莉搶，無張持拍著多莉，因為多莉出血的芳味去予富呂斯鼻著，富呂斯著擋𣍐牢欲食亻因，馬林及多莉著覕佇砲仔空內，毋過因為富呂斯挵彼空，內底的砲著飛出去，然後碰著海底炸彈，炸彈著爆炸。鏡頭來到一間齒科診所，尼摩去予人擲入去水族箱，內底有鱸魚卒仔囝(Gurgle)、刺䲅伯路得(Bloat)、海星阿桃(Peach)、黃唐魚阿泡(Bubbles)、烏尾宅泥魚阿漂(Deb)閣有蝦仔阿傑(Jacque)攏出來對尼摩自我介紹。無偌久，有一隻皮利歁鳥仔尼哥(Nigel)飛來到診所的窗仔邊及水族箱的魚開講，因為亻因足愛看醫生挽人的喙齒。後來醫生共尼哥趕走了後，著提伊的外甥女仔打拉(Darla)的相片對尼摩講：「拜五你新的主人欲來𤆬你轉去啊喔！」水族箱的魚著講：「彼查某囡仔足𠢕烏白搖魚。」尼摩驚甲欲死，講：「我無愛及伊轉去，我欲轉去揣爸爸。」無張持，尼摩去予過濾器的管仔吸牢，逐家著趕緊去救伊，彼時，注挪鰨鰣阿吉仔(Gill)泅出來講：「莫共鬥相共，請逐家莫共鬥相共。」尼摩著講：「敢會使救我？」阿吉仔講：「𣍐使，你害家己去予㧎著，一定有法度救你家己。」尼摩閣講：「但是我的鰭著傷啊！」阿吉仔閣講：「對我來講是小事。」尼摩看著伊身軀頂嘛有著傷，伊著骨力將伊家己脫離危險。脫離以後，逐家著噗仔聲共鼓勵，然後決定暗時來聚會。鏡頭倒轉去海洋，馬林及多莉佇鯊魚離開了後，小眯一下，拄睏醒，亻因所睏的彼臺破船煞落落來，好佳哉亻因無代誌，但是水目鏡落落去足深的所在，所以亻因兩隻魚仔著泅落去揣。佇足深的所在，拄著一隻電火魚，亻因著趕緊旋，但拄仔好揣著水目鏡，馬林著請識字的多莉共彼頂面所寫的地址讀出來，按呢亻因才知影欲按怎揣尼摩，頂面寫「瑟尼皮雪曼瓦羅比路42號(P.SHERMAN 42 WALLABY WAY SYDNEY)」。好佳哉多莉不但讀會出字，閣有法度記牢牢，這算講伊第一擺會當佇健忘症中記憶尚好的一概。鏡頭倒轉來齒科診所，水族箱欲來開會，阿吉仔欲考驗尼摩敢會當泅過強水流，尼摩順利成功了後，阿吉仔著決定及尼摩參詳，亻因逐家為著欲離開水族箱，著請尼摩佇隔轉工泅入去過濾器內將電風用石頭㧎牢，予水族箱的水垃圾，按呢亻因著會使趁醫生來換水將亻因囥佇袋仔內的時，偷偷仔離開。尼摩著答應啊！鏡頭倒轉去海洋，馬林著問一陣魚仔瑟尼欲按怎行，亻因講：「請順東澳洋流行。」亻因解釋了後，馬林拄走，亻因閣對多莉講：「請恁特別注意，若拄著山谷請迵過莫迒過。」然後馬林及多莉兩隻魚仔拄著山谷，煞迒過去，因為東澳洋流著佇頂面，但佇彼時才知影是按怎毋通迒過山谷，因為頂懸有幾若隻䖳。毋過這兩隻魚仔著佇䖳的頭頂跳來跳去，所以馬林著決定及多莉比賽啥人會當代先離開這陣䖳，結果馬林第一名，但是多莉走去叨？伊去予䖳電著啊！馬林著去救伊，救的路中嘛一直去予電，所以兩隻魚仔攏昏去。鏡頭倒轉來齒科診所，阿吉仔著趁醫生去便所的時，叫尼摩泅入去過濾器內用石頭將電風㧎牢，但真可惜，尼摩當對管仔泅出來的時，電風閣開始振動啊！尼摩去予吸入去，阿吉仔著馬上提草仔枝將伊救出來，尼摩差一點仔無命，阿桃著講：「阿吉仔，莫閣叫伊去啊！」鏡頭倒轉去海洋，馬林一醒，看著一隻海龜阿龜(Crush)對馬林講：「兄弟啊！恁頭拄仔按呢，阮著按呢，然後恁著按呢。」馬林講：「你是咧講啥？敢會使請你共我講東澳洋流佇叨？」阿龜著笑講：「著佇你遮啊！」馬林才知影原來伊已經佇洋流頂啊！阿龜問伊按怎來，馬林突然間想著多莉，心內足緊張去揣多莉，看著多莉的鰭去予䖳電著傷啊！心內感覺對伊正失禮。多莉醒起來了後，著和一陣細隻海龜耍，馬林嘛參一跤。耍了多莉著講：「進前到底發生啥物代誌我攏𣍐記得啊！」所以馬林著共逐家講：「我的囝尼摩去予人類掠去啊！我當初若無對伊遮爾仔嚴，伊應該會聽我的話……」馬林所分享予逐家的消息攏傳出去啊！傳到尼哥遐，尼哥著馬上飛去齒科診所共尼摩報告消息，尼摩一聽著伊爸爸當欲來揣伊，伊馬上閣泅入去過濾器內將電風㧎牢，水族箱內的魚攏驚甲欲死，想𣍐到這擺成功啊！鏡頭倒轉去海洋，馬林及多莉對東澳洋流下交流道以後，順紲問阿龜幾歲，阿龜回答：「一百五十歲，猶足少年。」因為尼摩想欲知影海龜會當活偌久。然後亻因繼續向前行，但彼所在霧霧，多莉著去問路，結果亻因去予一隻海翁食去。鏡頭倒轉去齒科診所，水族箱愈來愈垃圾，亻因心內足期待醫生來換水。醫生來啊！看著水足垃圾，著決定欲清水族箱。鏡頭倒轉去海洋，馬林及多莉敢真正去予海翁食去？無亻因佇海翁的喙內，多莉著用海翁語言來及海翁講話，後來海翁的喙舌攑起來，多莉講：「海翁叫咱愛放手，一切攏會順利。」然後兩隻魚向伊的腹肚落去，結果對海翁的尻脊骿噴出來，馬林才知影伊是欲𤆬亻因去瑟尼。隔轉工早起，有一隻皮利歁鳥仔共亻因食落去，馬林及多莉窒佇鳥仔的頷頸仔，馬林踅踅唸，講：「我對遮遠的所在來毋是欲予你做早頓食。」彼隻皮利歁鳥仔著去予哽著，尼哥看著伊吞的是馬林及多莉，著馬上叫伊吐出來。馬林及多莉走的路中，拄著幾若隻海鳥，海鳥看著亻因，著一直講：「我的！我的！我的！……」因為亻因看著不管是魚仔抑是蝦仔等等，只要是食的亻因著攏足愛搶。尼哥著共彼兩隻魚仔囥佇伊的喙，然後載亻因去揣尼摩。鏡頭閣轉來齒科診所，水族箱突然間變甲足清氣，因為醫生趁亻因咧睏的時換過濾器，拄仔好打拉來啊！醫生著將尼摩囥佇袋仔內，好佳哉尼哥紮馬林及多莉趕來阻止打拉搖袋仔，然後尼摩對排水管落去，因為所有的排水管攏通到大海。尼哥著將馬林及多莉送轉去海洋，心內僥倖離開。馬林感覺尼摩死啊！著家己泅轉去厝。後來尼摩經過水管來到海洋，拄仔好拄著心內艱苦的多莉，著問伊爸爸佇叨，尼摩順紲自我介紹，多莉毋知伊是誰，嘛毋知伊揣的人是誰，後來看著水管頂寫「瑟尼」，才知影一切的代誌，所以著去問路。尼摩及多莉佇魚場揣著馬林，馬林著足歡喜。佇彼霎，有罾將幾若隻魚罟起來，多莉拄仔好嘛去予罟著，尼摩為著欲救伊，著請伊爸爸來指揮所有的魚向下跤泅。正厲害，所有的魚加起來的氣力真正比漁船的掠魚機卡強。結果尼摩昏去啊！馬林對伊講：「好，免驚，爸爸佇遮，爸爸揣著你啊！」尼摩醒起來，著共伊爸爸講：「爸爸，我愛你。」隔轉工早起，尼摩欲去上課啊！馬林到學校，閣對蝶仔魚、海馬及雨傘打可三隻魚練痟話，泅過歸個海洋的伊，這擺講甲足輾轉，三隻魚著笑甲擋𣍐牢。尼摩著綴阿黎老師去上課，路中，請老師小停一下，伊倒轉去及伊爸爸講：「爸爸，我愛你。」馬林心內足歡喜，然後放心放囡仔去上課。啊阿吉仔遐後來發生啥物代誌？亻因閣將水族箱用予垃圾，然後趁醫生共亻因囥佇袋仔內的時，偷偷仔溜去海港。

  各位觀眾朋友，這猶無算煞，因為聽講2016年閣欲出第二集(Finding Dory)，請逐家期待。

  進前逐家敢猶會記得因為核四這件代誌，逐家攏講臺電「魔神仔電力公司」？這個名是對叨來呢？這是皮克斯公司(Pixar animation studio)佇2001年出的第四齣電影叫做魔神仔電力公司(Monster Inc)，這齣片內底的電力公司是魔神仔世界的，亻因是用幾若扇門入去人類世界嚇人來得著人哀哀叫的聲做電力，算講是聲能發電。這齣著請彼得多克特(Pete Docter)導的，前幾齣片伊做過其他的工作人員。皮克斯的頭家約翰拉撒特(John Lasseter)決定予別人機會來做導演，伊做監工。

  這齣拄開始，電力公司有新來的魔神仔咧接受嚇人的訓練，但是表現甲足䆀，一隻生甲親像蜘蛛的魔神仔頭家瓦得奴先生(Henry J. Waternoose III)著介紹一隻身軀頂濟毛的魔神仔毛怪(James P. Sullivan)予亻因知。鏡頭來到毛怪及只有一蕊大目睭的魔神仔大目仔(Mike Wazowski)兩個的房間，毛怪是全公司內面尚認真工作的員工，逐工起床著愛訓練家己嚇人。到公司的時，大目仔知影彼工是伊的彼頭鬃是咖拉咖拉蛇的女朋友西莉亞(Celia Mae)的生日，所以著去共伊約暗時出去𨑨迌。彼工電力公司的舊員工愛來比賽看誰尚𠢕嚇人，有一隻生甲親像杜定的魔神仔蘭道(Randall Boggs)感覺伊贏啊！逐家著噗仔聲共鼓勵，毋過毛怪猶是贏伊啊！頭家瓦得奴先生著揣毛怪參詳，請伊明仔載來訓練室表現予遐的菜鳥仔看。下晡五點，員工欲準備下班啊！大目仔著紮暢的心情準備去及西莉亞約會，想𣍐到有一隻生甲親像露螺的魔神仔羅斯(Roz)突然間佇伊邊仔，對伊講：「大目仔，你下暗欲去𨑨迌啊！按呢你應該共報告寫好啊！對毋對？摁，你啞口的款予人足煩惱的。」大目仔毋知欲按怎共伊女朋友解釋這件代誌，因為時間到啊！毛怪著對大目仔及西莉亞講：「因為我𣍐記得寫報告，大目仔是咧提醒我，多謝你。」然後兩人著去約會。毛怪去提報告的時，看著一扇門無收轉去機房，伊行去檢查的時，突然間有一個人類的查某囡仔咧耍伊的尾溜，毛怪驚甲欲死，是按怎呢？因為電力公司頭家識講：「一摸著人類絕對會死。」所以毛怪著緊共鋏轉去伊的房間，但是彼查某囡仔猶是一直走出來，毛怪閣共鋏去伊的眠床頂，離開的時因為跋倒，歸身軀攏紮彼查某囡仔房間的物件，拄仔好蘭道來啊！毛怪為著莫予其他魔神仔看著伊身軀頂紮人類世界的物件，所以著趕緊藏佇便所的櫃仔內。是按怎當去予其他魔神仔看著伊紮人類世界的物件呢？因為若去予看著，亻因會報警察來共伊的毛剃掉。拄共查某囡仔的物件藏好無偌久，毛怪想講無代誌啊！想𣍐到彼查某囡仔煞一直佇伊的尻脊骿頂，所以毛怪著共伊囥佇扣甭內然後送伊轉去伊的房間，但是真可惜，蘭道共門收轉去啊！毛怪著趕緊去討救兵。伊走去大目仔及西莉亞約會的餐廳，揣伊好朋友大目仔參詳的時，彼個囡仔煞走出來，所有的魔神仔攏驚甲向外口旋，餐廳頭家著趕緊報警察，囡仔著去予毛怪及大目仔囥佇盒仔內然後和亻因做伙轉去兩個魔神仔的房間。佇房間，囡仔對盒仔走出來，兩隻魔神仔驚死。毛怪看著伊欲耍尪仔，所以著擲予伊，但彼是大目仔的，所以著搶轉來。彼囡仔著吼啊！毛怪及大目仔為著無愛因為囡仔的吼聲共彼附近的電力突然變強然後去予外口的警察掠著，著趕緊安慰伊。結果大目仔無張持跋倒，彼囡仔著大聲笑，歸間大樓因為囡仔的笑聲提供閣卡強的電力，著跳電啊！大目仔及毛怪發覺其實人類的囡仔根本無親像頭家所講的遐爾仔危險，毋過亻因猶是愛想辦法共送轉去人類世界。隔轉工，亻因著將彼囡仔穿甲親像一隻魔神仔紮去公司，一入來，一陣警察猶咧調查。毛怪及大目仔毋知欲按怎，規氣共頭家講：「這是我表舅伊妹妹的囡仔。今仔日公司辦家長會。」頭家回答：「啊對喔！我煞𣍐記得。啊！閣有毛怪，今仔日下晡請你來訓練室表現予遐的菜鳥仔看。」講了毛怪及大目仔𤆬彼囡仔覕佇便所間，大目仔去提囡仔房間的鎖匙。毋過真可惜，因為毛怪前一工𣍐記得將大目仔的報告提予羅斯，所以羅斯著毋提鎖匙予伊。毛怪佇便所間等甲無聊，著決定及彼囡仔耍覕相揣，毋過佇大目仔轉來同時，彼囡仔著哭甲走來揣亻因兩個魔神仔，原來蘭道是欲綁票彼囡仔，好佳哉無去予看著。大目仔及毛怪兩隻魔神仔著將彼囡仔送轉去，但是大目仔提的毋是彼囡仔房間的鎖匙。佇彼目𥍉仔，毛怪著共大目仔講：「這毋是阿布(Boo)的門。」大目仔毋知伊是咧講誰？伊知影了後，著講：「你毋通為伊號名，按呢你會及伊有情意。卡緊共送轉去伊的世界，若無莫怪我。」亻因所講的話攏去予附近的同事聽著，所以毛怪著緊共彼查某囡仔阿布藏起來，大目仔向遐的同事講：「喔嗨！逐家好，阮是咧排練公司尾牙的一個節目，這齣戲叫做『緊共伊送轉去伊的世界，若無莫怪我』，這應該講是一種歌舞劇。」兩隻魔神仔著佇遐家己咧搬戲予所有的同事攏離開亻因。想𣍐到阿布煞走去，拄仔好佇揣伊路中拄著蘭道，蘭道著問亻因兩個敢知影囡仔佇公司的叨，兩隻魔神仔攏講毋知了後，毛怪著去揣阿布。佇彼時，西莉亞來揣大目仔罵昨暗的代誌去予蘭道聽著，所以蘭道著去揣大目仔算數，蘭道著共講：「十二點半進前彼個囡仔房間的門𣍐收轉去，佇彼進前共囡仔送來。」毛怪走去叨位去呢？伊看著阿布去予收糞埽機器切碎去啊！想𣍐到阿布佇一陣魔神仔囡仔遐，大目仔拄仔好來啊！著𤆬毛怪及阿布去工作室，但是毛怪聽著伊講：「親像蘭道所講的。」毛怪馬上取消這動作，因為蘭道欲綁票阿布。大目仔佇彼霎，去予蘭道掠去，毛怪著趕緊去救伊然後決定欲對公司離職。毋過毛怪想講去揣頭家瓦得奴先生參詳，但頭家講：「毛怪，你拄仔好趕來，請逐家注意看咱公司這位專業的嚇人專家的表現偌好。」毛怪直直咧對頭家踅踅唸，頭家著喝講：「好啦！莫踮遐拖時間，卡緊開始啦！」然後毛怪著嚇予亻因看，但是煞予阿布著生驚，阿布著毋敢倚伊。彼時，阿布去予頭家看著伊是人類，然後著共毛怪及大目仔擲去人類世界的喜瑪拉亞山，拄仔好拄著進前去予趕出魔神仔世界的大雪仔(Yeti)來招待亻因，𤆬亻因去覕雪。毛怪佇遐想著頭拄仔阿布對伊的態度，心內艱苦甲𣍐使。大雪仔著共亻因兩個分享佇人類世界的偏頭佇叨，伊講著：「山仔跤有庄頭。」毛怪聽著著問：「庄頭佇叨位？敢有囡仔？偌遠？」大雪仔回答：「肥囡仔瘦囡仔攏有。若欲去遐差不多愛開三工的時間。」毛怪著講：「啥物？三工？阮這馬著愛趕去遐呢！」大雪仔著勸伊，講：「恁欲去遐，尚好莫佇這款落大雪的天氣行。」毛怪閣講：「阮必須去救阿布。」然後大目仔著及伊相罵，最後大目仔對毛怪講：「你若想欲去予寒死，𣍐要緊，做你去。因為你愛靠你家己啊！」毛怪經過彼庄頭厝內房間的門轉來魔神仔世界，然後趕緊去揣阿布。毛怪來救阿布出去的時，蘭道一直阻止伊，彼時大目仔來啊！著提雪球共蘭道擲昏然後及毛怪閣有阿布三個做伙旋。到工作室的時，因為蘭道已經逐來啊！所以亻因著趕緊綴門去到囥門的機房。後來無路通覕啊！毛怪佇彼霎，對大目仔喝：「緊予阿布笑。」然後大目仔做怪動作，阿布笑出來了後，歸扇門攏通電啊！所有的門攏會當拍開入去人類世界閣倒轉來魔神仔世界。但是正歹命，阿布去予蘭道掠著，毛怪為著欲救伊，著足骨力。蘭道著共毛怪捒出房間然後踏伊的手欲予伊摔落去，阿布看著驚甲欲死。後來，阿布突然間心內大改變，為著欲救毛怪，伊家己著來阻止蘭道，毛怪著共蘭道講：「伊𣍐閣再驚你啊！」紲落來毛怪著共蘭道擲去人類世界然後破壞彼扇門。蘭道到人類世界，有一個查埔囡仔講：「媽媽，鱷魚走入來啊！共拍死！」伊媽媽來啊！講：「𣍐要緊，黜仔予我，我來共解決。」毛怪及大目仔當欲送阿布轉去房間的時，伊房間的彼扇門煞振動，亻因著綴彼扇門轉去工作室。頭家瓦得奴先生著請警察共亻因掠起來，毛怪及阿布走予頭家逐；大目仔走予警察逐。頭家逐著毛怪，毛怪著共講：「伊到厝啊！請你莫閣來共煩好無？莫綁票囡仔。」頭家講：「我不管，時代變啊！嚇囡仔的力已經無夠啊！我甘願綁票一千偌囡仔嘛𣍐予公司倒去。」想𣍐到頭家所講的話攏去予錄影入去啊！所以警察著將頭家掠去。頭家著對毛怪踅踅唸：「毛怪，你這聲歡喜啊！魔神仔電力公司無啊！這馬欲去叨位若揣無電，攏是因為你害的。」然後羅斯來啊！對毛怪講：「你為著救彼個囡仔害我差一點仔無頭路，佳哉有你的鬥相共，若無我攏毋知影瓦得奴先生才是罪魁禍首。好，有關彼囡仔。」毛怪接講：「我欲送伊轉去。」羅斯閣講：「好，切門機捒過來。」毛怪閣講：「妳的意思敢是講我永遠攏𣍐當及伊見面？」羅斯閣講：「我對你非常失禮，咱必須愛按呢做。」毛怪著送阿布轉去人類的世界，然後僥倖行出來看彼扇門去予切碎去。下晡，魔神仔電力公司下班啊！大目仔著共毛怪講：「咱成功啊！咱共阿布送轉去啊！對啦！這馬著等到無電的時陣著有足濟人來抗議，毋過至少有笑聲。」毛怪聽了，決定來經營這間電力公司，伊將本來用嚇人來得著人類哀哀叫的聲做電力的規定改做用講笑詼來得著人類的笑聲做電力，過無幾工了後，電力公司的業績衝到足懸。本來𣍐曉嚇人的菜鳥仔到今已經有頭路啊！無偌久，大目仔來啊！欲𤆬毛怪看一項物件，著是阿布的門，大目仔開足濟時間共鬥起來，毋過欠一片才會當將門拍開，毛怪著將伊家己留做紀念品的彼片鬥佇門頂了後，伊著閣會當見著阿布啊！幾若工以後，公司欲辦尾牙啊！毛怪著請公司的同事來表演一齣歌舞劇「緊共伊送轉去伊的世界，若無莫怪我」。亻因著將阿布走入來佇魔神仔世界所發生的一切代誌攏搬出來。

  閣來欲講的是魔神仔大學(Monster University)。咦！奇怪，毛怪及大目仔敢會是閣倒轉去讀冊呢？毋是啦！是皮克斯公司(Pixar animation studio)佇2013年出的第十四齣電影，是咧講這兩隻魔神仔食頭路進前的故事，徛算講是魔神仔電力公司(Monster Inc)的前傳。這齣欲予咱知影魔神仔世界並毋是逐隻魔神仔攏是專工來嚇人，嘛毋是一出世著會曉嚇人，是愛讀過冊才有法度做嚇人專家。

  故事拄開始，有一隻魔神仔叫細目仔，伊是一個國小生，伊的班級咧辦校外教學，亻因來到魔神仔電力公司參觀。細目仔看公司內面的魔神仔嚇人類看起來足厲害，著講：「我後擺想欲成做嚇人專家。」十一年了後，伊大漢啊！變做大目仔，伊去上魔神仔大學，這大學內底有學生餐廳、社團招生等等咱普通時攏知影的款，毋過這大學有一個工作室是專工做一種會當入去人類世界的門。參觀了後，伊來到魔神仔大學的宿舍著識一個同窗，逐家臆看是誰呢？答案是蘭道，蘭道嘛拄仔好及伊仝款是青驚系閣仝班，亻因兩隻魔神仔著熟似做好朋友。第一工去上課，教授著共逐家做課程介紹，大目仔因為細漢著對這科足趣味，所以教授問學生問題的時，大目仔代先攑手回答，回答到一半，有另外一個學生上課慢到，但是伊是全班尚𠢕嚇人的魔神仔，伊叫做毛怪。大目仔一看著伊，心內足怨妒。下課以後，暗時，大目仔家己佇房間的時，突然間有一隻親像寵物的魔神仔走入，原來是毛怪的，佇彼霎，大目仔著及毛怪熟似。無偌久，彼隻寵物偷提大目仔的帽仔，著將亻因兩個𤆬到學生會聚會點。大目仔看著青驚聚會(Scary Party)，著足想欲第入去，但是有一個社團叫青驚社(Roar Omega Roar)感覺伊無適合遐，建議伊去萬事OK社(Oozma Kappa)，毛怪嘛替亻因講話了，著綴亻因入去聚會。大目仔看亻因所建議的社團看起來攏無人欲愛，所以著毋加入。佇這學期中，大目仔著骨力訓練家己嚇人類，想𣍐到伊的小考後來贏毛怪。到期尾考，毛怪的社團朋友著叫伊表現出嚇人的精神，提好成績，若無著不準伊來青驚社。伊的社團朋友會佇伊考試中入來教室看。考試的時，教授會叫學生的名，然後會出題目叫亻因表現出嚇人的精神，教授會看一罐測聲筒頂彼個紅色升起來的程度來拍分數。彼時，毛怪及大目仔兩隻魔神仔突然間咧互相風神，無張持挵破物件，所以亻因的考試無過。後來，大目仔想著會使去學生會所辦的比賽嚇人來證明家己是專工嚇人的魔神仔。彼活動，有六個社團參加比賽，包括萬事OK社、青驚社、蛇蠍社(Python Nu Kappa)、阿斯阿斯社(Eta Hiss Hiss)、斯洛馬社(Slugma Slugma Kappa)及蹁折社(Jawn Theta Chi)。大目仔著加入萬事OK社，毋過欠一人，蘭道嘛已經有青驚社，所以毛怪甘願來替亻因的社團補一人。然後萬事OK社的所有魔神仔著攏去蹛阿史(Squishy Squibbles) 亻因兜。隔轉工是第一工的嚇人比賽，這比賽主要是咧考驗速度閣有專心，亻因愛向頭前衝，路中會有足濟䖳炸彈做障礙物，一摸著會腫。毛怪及大目仔走第一，但是比賽的規定是愛歸個社員愛到終點才算贏，真可惜，萬事OK社除了毛怪及大目仔，賰的社員攏走最後，所以亻因著最後一名。所以亻因決定逐工早起六點著愛⻊百起來訓練嚇人，不管風雨偌大。幾工以後第二項比賽是考驗安靜的程度，著是考驗魔神仔毋通簡單予囡仔發覺著亻因。亻因的比賽著是去圖書館恬恬仔行路，然後⻊百梯仔去將社團的旗仔提落來。萬事OK社本來足恬恬咧行，但後來無張持發出聲音，圖書館館長著將伊所看著的魔神仔擲出去。好佳哉萬事OK社真巧，利用分攤去惹館長，予館長走來走去，然後亻因提亻因的社旗了後離開圖書館，想𣍐到亻因搶著前一名。暗時，閣欲辦青驚聚會，蛇蠍社邀請亻因去。結果才知影青驚社是欲共亻因創治，隔轉工大目仔去揣亻因算數，亻因著講：「若欲成做嚇人專家必須愛親像魔神仔電力公司的員工。」彼工暗時，大目仔著決定𤆬社員去電力公司參觀，毋過去予警察看著亻因烏白走入來，所以亻因著緊旋轉去厝。幾工以後，閣有一項比賽，著是考驗反應，佇一個迷宮內走來走去的時，會出現一個枋仔，然後愛馬上判斷枋仔頂是啥物款的人再閣想辦法嚇。萬事OK社搶著第三。幾工以後，閣有一項比賽，著是覕相揣，這是欲考驗魔神仔偌𠢕覕。萬事OK社搶著第二啊！所以隔轉工著愛及青驚社決賽，青驚社的人對大目仔講：「恁若輸，逐家著攏𣍐記得恁。」大目仔回答：「但是恁若輸，逐家猶是會記得恁。」隔轉工暗時，尚緊張的時陣到啊！學生會著愛看兩隊的成績來證明誰才是嚇人專家，比賽內容著是將進前的比賽合做伙只是加出嚇人的動作。想𣍐到大目仔救萬事OK社，予亻因贏青驚社，所以亻因牢第一啊！活動結束了後，大目仔感覺足有出脫，著去耍頭拄仔比賽的機器。毋過後來伊發覺奇怪，哪有可能彈一下指頭仔著會使著足濟分，大目仔拍開檢查，才知影毛怪佇猶未換大目仔比賽進前，偷偷仔改機器模式，這社團著足失望。毛怪去共教授講事實，教授著決定欲共毛怪退學。講了，做門的工作室警報器突然間霆啊！因為大目仔偷偷仔走入去然後走入去人類世界，毛怪著趕緊入去救伊出來。大目仔佇人類世界去予房間的一陣囡仔掠著，所以亻因著報警察，大目仔著趕緊走去覕佇樹林仔內的一的湖邊，毛怪拄逐來，著一直共大目仔回失禮。但大目仔足凊心，毛怪著共講：「咱的社團會當表現甲遮爾仔攏是因為你替阮想辦法，阮才會𠢕嚇人。」講了，警察拄仔好逐來，毛怪及大目仔著趕緊轉去覕佇房間。真歹命，魔神仔世界的教授已經將門通電的設備禁掉啊！所以亻因無法度轉來魔神仔世界。好佳哉大目仔想著一個好辦法，著是予警察入來房間，然後用釣魚線共亻因縛起來，毛怪閣對天篷頂落來嚇亻因，有幾若人哀哀叫的聲，魔神仔世界的彼扇門著通啊！不只按呢，邊仔的幾若罐測聲筒頂紅色的突然間嘛攏衝到尚懸的程度。毛怪及大目仔著對門倒轉來魔神仔世界。教授掣一下，講：「恁是按怎做的？」隔轉工，大目仔及毛怪愛離開魔神仔大學啊！亻因著及社員說多謝，然後離開。亻因轉去的路中，教授逐過來，是按怎呢？伊欲提畢業證書予亻因兩個，因為亻因昨暗做出超過教授所想的代誌，所以教授決定予亻因跳級，毋免讀四年。到尾仔大目仔的向望實現啊！伊有才調去魔神仔電力公司上班。而且閣及毛怪成做工作團隊。