2014/08/11當晝，𠊎兜全家坐火車去花蓮市(Falien, Taiwan)，到該位个時，𠊎兜就去歇个旅館---力麗哲園(Lit-Li Garden Hotel)，該旅館个外觀像高級住宅。𠊎兜放忒行李後，就去稅車然後駛車仔去買烰卵蔥油餅來食，該東西當好食，大家應該來食。暗晡𠊎兜去食花蓮个名產---扁食，食忒後，𠊎兜就去遊街，𠊎兜買蚵仔煎、肉丸、愛玉、瑞穗牛乳轉去旅館食。
2014/08/12朝晨，𠊎兜就去瑞穗牧場(Sui-Sui Range)，到該位，𠊎兜就買牛乳、取士卵糕等等來食，𠊎也摎牛仔摎鴕鳥翕相。接等𠊎兜去六十石山(Sixty Stone Mountain)，該所在當靚，有當多當多个金針哦！接等𠊎兜去石梯坪(Sak-Thoi-Phin)，在路中，𠊎兜看著北回歸線，𠊎兜就下車去翕相後離開。在路中，𠊎兜看著沙漠風情民宿，就去看，該民宿當靚，𠊎希望做得歇在該位。到石梯坪，𠊎看著有露營个地，𠊎推薦大家來該位辦活動。在石梯坪𠊎也有爬石頭，爬到盡高个所在，光景當靚。尞忒後𠊎兜就去該暗晡歇个民宿---聲子藝棧，該民宿像大學宿舍，有兩棧眠床。接等𠊎兜就去食暗摎遊街。分𠊎印象深个係鋼管乳茶，飲料都從管仔出來，當生趣。
2014/08/13朝晨，𠊎兜去食尚玩家紹介个錢記早點買東西食朝，當好食，𠊎也推薦大家來該店食朝。買忒後𠊎兜就去舊年11月教會敬拜團退修會識參觀過个基督教花蓮浸信會。接等𠊎兜去林田山林業文化園區，該所在像日本个村莊，像在「多多羅」(隣のトトロ)這部動畫電影中。接等𠊎兜去該暗晡歇个臺糖日本式木屋，該所在个房間有和服，桌仔也當矮，無凳仔，房間个櫃仔當大，像多啦A夢(ドラえもん)睡个所在。該房間會分人恅著在日本。
2014/08/14朝晨06:30，𠊎兜就騎腳踏車去馬太鞍濕地，到該位，𠊎兜就去將腳浸在溪水中，該溪水當冰。接等𠊎兜退房後，就駛車仔去鯉魚潭看薑嫲鴨。原來該所在毋單淨有一隻大鴨，也有當多隻細鴨。最尾，𠊎兜去七星潭。該所在係石壩，𠊎頭擺用𠊎自家个目珠看著个光景。
留言列表
