2014/08/05朝晨07:00，𠊎摎阿姆摎阿姊共下去臺北車站(Thoipet Station)附近坐𠊎兜所訂个遊覽車。該旅行團係半旅行團，亻恩兜做得隨時離開摎會合，所以該旅行團無提供餐廳。𠊎兜坐遊覽車行市民大道 (Civil Blvd Expressway)接環東大道(Vantung Blvd)再接蔣渭水(Chiong Vi-Sui Memorial Freeway / Freeway No.5)去宜蘭(Ngilan, Taiwan)。𠊎兜敢係去宜蘭(Ngilan, Taiwan)？毋係，𠊎兜个目的地係臺中市和平區(Fophin District, Thoichung City, Taiwan)。去臺中(Thoichung City, Taiwan)做麼个從宜蘭(Ngilan, Taiwan)行？因為從臺中(Thoichung City, Taiwan)西片來个路在1999年921地動分動壞了！𠊎兜到臺中和平區(Fophin District, Thoichung City, Taiwan)个武陵農場(Vulin Farm)，𠊎兜全家去武陵農場富野渡假村(Hoya Resort Hotel Vulin)食晝。食晝个時，𠊎聽著隔壁桌个人用客家話(Hakkanese)四縣腔談天，𠊎當著驚，因為現代个人都係用北京話(Mandarin) 摎臺灣話(Taiwanese)談天，當少人會用客家話(Hakkanese)，真係奇妙。
食忒後，𠊎兜去櫻花鉤吻魚展覽館。𠊎看忒後，就試著亻恩兜 愛保護臺灣个動物。
接等𠊎兜去錦鯉塘餵魚仔摎天鵝，該動作從小做到大。
下晝17:00，𠊎兜就坐車去臺中和平區(Fophin District, Thoichung City, Taiwan)个梨山賓館(Lisan Hotel)，𠊎兜去到該位放行李在旅館間肚後，就去食火鑊。該日𠊎兜當晝摎暗晡都食火鑊。
2014/08/06朝晨08:30食忒早後，𠊎兜就準備愛離開梨山(Lisan)。朝晨09:30，𠊎兜就坐車去南投縣仁愛鄉(In-oi, Namtheu, Taiwan)个天池(Thien Chhii)，該所在有海拔2600公尺高，有當多个樹就像一個電動界母齋路打(The legend of Zelda)个景。
接等𠊎兜就去臺中和平區(Fophin District, Thoichung City, Taiwan)个福壽山農場(Fuk-Su-San Farm)，該所在有當多个花摎果，該名都係日本話(Japanese)个名。
看忒後，𠊎兜就去買東西做當晝个食物在轉去臺北車站(Thoipet Station)个遊覽車上食。
這擺个遊尞分𠊎知從宜蘭(Ngilan, Taiwan)去臺中(Thoichung City, Taiwan)愛仰般去，𠊎也知臺中和平區(Fophin District, Thoichung City, Taiwan)有麼个東西。
留言列表
