2014/08/05早起07:00，我及媽媽閣有姊姊去臺北車頭(Taipak Station)彼附近坐阮所訂好的遊覽車。這旅行團算講是半綴團，咱會使家己決定啥時欲離開啥時愛會合，所以無提供餐廳，咱會使家己去揣餐廳。阮對臺北 車頭(Taipak Station)坐遊覽車行市民大道(Civic Blvd Expressway)接環東大道(Huantang Blvd)然後閣接蔣渭水高速公路(Chiunn Ui-Chui Memorial Freeway / Freeway No.5)去宜蘭(Gilan, Taiwan)。阮的目的地敢是宜蘭(Gilan, Taiwan)？歹勢，毋是喔！是臺中市和平區(Hoping District, Taitiong City, Taiwan)。咦！奇怪，去臺中(Taitiong, Taiwan)哪會對宜蘭(Gilan, Taiwan)遐去？因為對臺中(Taitiong, Taiwan)過去的彼條公路佇1999年因為921地動動歹去啊！阮中晝來到臺中(Taitiong, Taiwan)武陵農場(Buling Farm)，阮兜著先去武陵農場富野渡假村(Hoya Resort Hotel Buling)食飯。食飯的時，我聽著我隔壁彼桌的人用客話(Hakkanese)開講，我掣一下，因為普通時足少聽著一陣人用客話 (Hakkanese)開講，這馬的人開講毋是用北京話(Mandarin)開講，著是用臺語(Taiwanese)，足少聽著人用客話 (Hakkanese)開講，真正是奇蹟。
食了著去吻屘魚展覽館，遐有介紹足濟有關吻屘魚，講實在，咱真正愛保護臺灣的大自然，特別是臺灣國寶的物件。
看了吻屘魚，阮兜著去錦鯉池飼魚仔及天鵝，這款動作對細漢到今猶足愛做。
下晡17:00，阮坐車去阮欲蹛的梨山賓館(Laisuann Hotel)，到遐阮先去囥行李然後食暗頓。彼工中晝及暗頓攏食火鍋，食甲有夠飽。
2014/08/06早起08:30早頓食飽了後，阮著去翕風景。09:30阮著坐車離開去南投縣仁愛鄉(Jin-ai, Lamtau, Taiwan)天池(Thian Ti)。彼所在是海拔2600公尺的所在，足涼的，足濟樹仔親像齊呂打(The legend of Zelda)這個奕內咧的景。
紲落來阮著去臺中市和平區(Hoping District, Taitiong City, Taiwan)的福壽山農場(Hok-Siu-Suann Farm)行行，遐有足濟真水的花及果，名攏是日語(Japanese)名。
行了阮著去欲便當佇轉去臺北車頭(Taipak Station)的遊覽車頂食。
這擺出來耍是我第一擺行臺灣橫向公路，真正足好耍，按呢後擺著知影按怎行閣有欲按怎去臺中和平區(Hoping District, Taitiong City, Taiwan)啊！
留言列表
